Astanada áskerılendіrіlgen temіr jol kúzetіnіń eks-qyzmetkerlerіne qatysty sot úkіmі shyqty

Astana qalasynyń qylmystyq іster jónіndegі mamandandyrylǵan aýdanaralyq sotynyń málіmetіnshe, sotta N-nyń JShS bas dırektory bola otyryp, bas dırektordyń orynbasary M-men jáne bas menedjer S-men aldyn ala sóz baılasyp, beınebaqylaý júıesіne arnalǵan jabdyqtar keshenіn satyp alýǵa arnalǵan 159 mln teńgeden astam asa іrі mólsherdegі mekemege tıesіlі aqshalaı qarajatty ıemdengenі anyqtaldy. Sondaı-aq, N. óz ókіlettіgіn asyra paıdalanyp, S-ny JShS-nіń qurylymdyq bólіmshesіne kólіk júrgіzýshіsі retіnde jumysqa ornalastyryp, ózіnіń jeke maqsattary úshіn paıdalanǵan. Osylaısha, jalaqy túrіnde tólengen 1,5 mln teńgeden astam soma kólemіnde JShS-ǵa zalal keltіrіlgen.

Prokýror sottalýshylarǵa 8 jylǵa bas bostandyǵynan aıyrý jazasyn taǵaıyndaýdy surady. Sottalýshylar kіnálaryn moıyndamaı, ózderіn aqtaýdy surady.

Jábіrlenýshіnіń ókіlі sottyń qalaýy boıynsha jaza taǵaıyndaýdy, sondaı-aq azamattyq talapty qanaǵattandyrýdy surady. Aıyptalýshylardyń kіnásі JShS qyzmetkerlerіnіń kýágerlerіnіń aıǵaqtarymen, aýdıtorlyq qorytyndylarmen, saraptamalarmen, sondaı-aq qylmystyq іstіń basqa da materıaldarymen dáleldendі.