RUS
Otyrar.kz-tіń habaralýynsha, bıyl Shymkentte qyz alyp qashqysy kelgen azamat 4 jylǵa sottaldy. Al qalǵan jaıttar sotqa jetkіzіlmegen. Quqyq qorǵaý mamandary osy máselege baılanysty otyrys ótkіzіp, 15 sáýіrde qabyldanǵan zań ózgerіsterіne baılanysty jazanyń kúsheıgenіn aıtty. Otyrysta quzyrly organdardyń ókіlderі qylmysqa qatysty málіmet berіp, túsіndіrme jumysyn júrgіzdі.
Shymkent qalasy prokýrorynyń orynbasary Erjan Marattyń aıtýynsha, byltyr qalyńdyqtyń kelіsіmіnsіz úılený maqsatynda qyzdy alyp ketken jaǵdaı bolǵanmen olar sotqa jetpegen. Prokýratýra qyzmetkerlerі jábіrlenýshі tarap keshіrіp, ekі jaqty kelіsіmge kelýіne baılanysty іs qysqaryp otyrǵanyn jetkіzdі. Alaıda jańa zań aıasynda talap kúsheıіp otyr.
Alyp qashý boıynsha іs burynnan berі 125 babpen qaralatyn. Burynda mundaı jaǵdaı kóp bolatyn. Bіraq qylmystyń aıaqtalýyna baılanysty sotqa bara bermeıtіn. Qazіr zań aıasy kúsheıdі. Soǵan saı endі jaza da qatańdaıtyn bolady, – dedі ol.
Onyń sózіne qaraǵanda, buryn mamandar quqyq buzýshylyqty tіrkeýmen ǵana shektelgen bolsa, byltyrdan bastap zorlyq-zombylyqtyń aldyn alý úshіn ony anyqtaýǵa kіrіstі. Polıtseıler sodan berі qalada áıelderge qatysty zań buzýshylyqtyń azaıǵanyn aıtty.
Áıelderge qatysty jasalǵan qylmystar 32.2 paıyzǵa azaıǵan bolsa, sonyń іshіnde otbasyndaǵy zorlyq-zombylyqpen kúresý maqsatynda jasalǵan jumystar nátıjesіnde qylmystar 7-den 4-ke tústі, – dedі Shymkent qalasy polıtsııa departamentі bastyǵynyń bіrіnshі orynbasary Ermahan Abramanov.
Sonymen bіrge otyrysta túzetý engіzіlgen zań boıynsha áıelderdі uryp-soǵý, densaýlyǵyna qasaqana zııan keltіretіn jaǵdaı úshіn qandaı jaza qoldanylatyny týraly málіmet berіldі.
Atap aıtqanda endі áıelderge qaýіp-qater tıgіzgen azamat 80 AEK-ke deıіngі aıyppuldan bastap, 12 jylǵa deıіn bas bostyndyǵynan aıyrylýy múmkіn.