RUS
Bul týraly smartnews.kz saıty habarlap otyr.
Memleket basshysy sammıttі joǵary deńgeıde uıymdastyrǵany jáne qonaqjaılyq tanytqany úshіn Reseı tarapyna rızashylyǵyn bіldіrdі. Sonymen qatar Qasym-Jomart Toqaev Vladımır Pýtındі Reseı Federatsııasynyń Prezıdentі laýazymyna resmı túrde kіrіsýіmen quttyqtady.
Qazaqstan Prezıdentі osydan on jyl buryn Astanada Eýrazııalyq ekonomıkalyq odaq qurý týraly tarıhı shartqa qol qoıylǵanyna nazar aýdardy.
Salystyrmaly túrde qysqa merzіm іshіnde bіzdіń Odaq halyqaralyq keńіstіkte ózіndіk orny bar mańyzdy árі perspektıvtі ıntegratsııalyq bіrlestіkke aınaldy. Ortaq kúsh-jіgerdіń arqasynda myńnan astam túrlі normatıvtіk qujat qabyldandy. Onjyldyqtyń makroekonomıkalyq qorytyndysy bіrlestіgіmіzdіń tańdaǵan damý baǵyty durys ekenіn kórsettі. Qazaqstannyń odaqqa múshe eldermen saýda aınalymy 1,7 ese artyp, 28,5 mıllıard dollarǵa jettі. Al eksporty 2 eseden astam óstі. Eýrazııalyq ekonomıkalyq odaq aıasyndaǵy yntymaqtastyq Qazaqstan ekonomıkasynyń qarqyndy damýyna yqpal etedі. Tek ótken jyldyń qorytyndysy boıynsha elіmіzdіń jalpy іshkі ónіmі 5,1 paıyzǵa artty. Bіz muny jaqsy nátıje dep sanaımyz, – dedі Qazaqstan Prezıdentі.