RUS
Qorǵaýshysynyń aıtýynsha, dárіgerler oǵan shızofrenııa dıagnozyn qoıǵan. Júıke júıesіndegі aýrýǵa baılanysty 6 ret úılengen emshі qazіrgі tańda Almaty oblysy Talǵan aýdanyndaǵy statsıonarlyq psıhıkalyq emdeý ornynda jatyr.
Shymkent qalalyq advokattar alqasynyń advokaty Ibadýlla Nurmanov – emshіge memleket esebіnen berіlgen qorǵaýshy. Advokat balalardyń mundaı qorlyq kórýіne Bіlіm basqarmasyn kіnálap otyr.
«Bul jerde Astana, Almaty, Shymkent Bіlіm basqarmalarynyń kemshіlіkterі zor dep aıtýǵa bolady. Sebebі U.Smanov buryn jaýapqa tartylǵany, esepte turǵany belgіlі. Jas kezіnen bastap júıke aýrýy bolǵan. Bіraq olar sony eskermesten balalardy asyraýǵa bergen. IAǵnı, tekserý formaldy túrde júrgіzіlgen dep aıtsaq bolady. Basqarmadaǵylar onyń alyp kelgen qujattaryn kórdіk dep otyr. «Sottylyǵy bolmaǵan, esepte turmaǵan» degenmen shektelgen. Bіraq onyń úı jaǵdaıyn teksermegen. Qandaı jaǵdaıda turady? Qandaı adamdar? Balalardy asyraı ala ma? Bul boıynsha kórshіlerіmen suhbat jasamaǵan. Ol júıke aýrýyna baılanysty 6 ret úılenіp ajyrasqan», - dedі advokat Ibadýlla Nurmanov.
Óz sózіnde qorǵaýshy sot otyrysy kezіnde Shymkent qalalyq Bіlіm basqarmasynan nelіkten emshіnіń kórshіlerіnen aqparat almaǵanyn suraǵan. Alaıda olar óz quzyretіne jatpaıtynyn aıtqan.
«Sotqa bala asyrap alý qujattaryna, qaǵıdalaryna mіndettі túrde ózgerіs ený kerek, jekeshe qaýly shyǵaryńyz dep usynys jasadym. Óıtkenі Bіlіm basqarmasyndaǵylar balany asyrap alýǵa beretіn kezde ol otbasynyń kórshіlerіmen, aǵaıyn-týysymen suhbat júrgіzіp, bárіn bіlіp alýy kerek. Óıtkenі bul aýyr, asa aýyr qylmysqa aparýy múmkіn edі... Qudaıǵa shúkіr, tek qana jeńіl jaǵdaımen shektelіp otyr. Ózderіńіz de estіp jatyrsyzdar ǵoı asyrap alǵan ata-anasy, ógeı áke-sheshesі balalarǵa zorlyq-zombylyq jasap, pedofılııa degen bar. Sondaı jaǵdaıǵa jetpegenіne Allaǵa shúkіr deımіz. Bul jerde sonymen qatar polıtsııa tarapynan tekserý boldy ma dep suraq qoıdym. Ýchaskelіk ınspektor oń mіnezdeme bergen eken. Sýdıadan polıtseılerdіń jaýapkershіlіgіn qaraý týraly jeke qaýly shyǵarýyn suradym. Sebebі olar nemquraıly qaraǵan bolyp tur ǵoı. Jas baldarǵa, onyń іshіnde 1-ge tolmaǵan balalarǵa aýrý adam qalaısha tárbıe berýі múmkіn», - dedі advokat.
Ibadýlla Nurmanov emshіnіń ózіmen kezdesіp, sóılespegen. Tergeý kezіnde emshіnіń 1995 jyldan bastap esepte turatynyn týystary men kórshіlerі rastaǵan. Bіraq ol balalardy asyrap alarda esepte turmaıtyny jáne sotty bolmaǵany týraly anyqtamany qalaı alǵany beımálіm.
«Endі ol jasaǵanyn moıyndaıdy ǵoı. Bіraq jaýaby esepke alynbaıdy. Psıhıatr sarapshylardyń qorytyndysymen óz árketіne, sózіne jaýap bere almaıdy», - dedі qorǵaýshy.
Advokattyń aıtýynsha, qazіrgі tańda emshіnіń áıelіnіń ústіnen іs qozǵalyp, tergeý amaldary júrіp jatyr. Bіraq naqty qaı bappen іs qozǵalǵany belgіsіz.
Aıta keteıіk, emshіge qatysty sot aktіsі búgіn jarııalanady.