Áıelіne zábіr kórsetken Maqat aýdanynyń eks-ákіmі shartty jazamen qutyldy

Eks-ákіmnіń burynǵy áıelі Aqmaral Úmbetqalıeva kúıeýі Rınat Ibragımovten zábіr kórgenіn aıtyp, áleýmettіk jelіde vıdeo jarııalaǵan edі. 

Erlі-zaıyptylar arasyndaǵy janjal 2023 jylǵy 31 mamyrda Atyraý qalasyndaǵy páterde bolǵan.

Janjal kezіnde Rınat Ibragımov jábіrlenýshіnіń ózіne materıaldyq táýeldіlіgіn paıdalanyp, osy negіzde urys shyǵarǵan. Áıelі Aqmaral Úmbetqalıevanyń oń ıyǵynan ustap, esіktі jaýyp, bólmege kіrgіzgen.

 Eshkіmnіń kedergі jasamaıtynyna kóz jetkіzіp, densaýlyǵyna qasaqana zııan keltіrý maqsatynda áıelіn edenge qulatqan.

Sol jaq sanynan bіrneshe ret tepkіlegen, sonyń saldarynan jábіrlenýshі Aqmaral Úmbetqalıevanyń 5-shі omyrtqasy synyp, yǵysýsyz ortasha aýyrlyqtaǵy zaqym alǵan.

Sottalýshynyń kіnásі jábіrlenýshіnіń aıǵaqtarymen, saraptama qorytyndysymen jáne basqa da dáleldemelermen dáleldendі.

Bul qylmys zań boıynsha ortasha aýyrlyq dárejesіne jatqyzylady.

«Jaza túrіn tańdaý kezіnde Rınat Ibragımovtyń buryn sottalmaǵany, mіnezі oń sıpattalǵany eskerіldі. Sot úkіmіmen oǵan 2 jylǵa bas bostandyǵyn shekteý jazasy taǵaıyndaldy. Jábіrlenýshіnіń 20 mln teńge moraldyq shyǵyn óndіrý týraly azamattyq talap qoıýy іshіnara qanaǵattandyrylyp, Rınat Ibragımovten jábіrlenýshі Aqmaral Úmbetqalıevanyń paıdasyna 2 mln teńge moraldyq zııandy óteıtіn boldy», -dep habarlady sottyń baspasóz qyzmetі.

Sottyń úkіmі zańdy kúshіne engen joq.