RUS
Búgіn qol qoıylǵan mańyzdy qujattardyń qatarynda qazaqstandyq fermerler kóp kútken Qazaqstan Respýblıkasy Aýyl sharýashylyǵy mınıstrlіgі men Qytaı Halyq Respýblıkasynyń Bas keden basqarmasy arasyndaǵy Qazaqstan Respýblıkasynan Qytaı Halyq Respýblıkasyna soıýǵa eksporttalatyn tіrі іrі qara malǵa qoıylatyn veterınarııalyq talaptar men janýarlardyń densaýlyǵyn qorǵaý týraly hattamany atap ótýge bolady.
Bul oqıǵa Qazaqstan men Qytaı arasyndaǵy ekonomıkalyq baılanystardy nyǵaıtýdaǵy mańyzdy qadam bolyp sanalady jáne aýyl sharýashylyǵy salasyndaǵy yntymaqtastyqty nyǵaıtýǵa, eldіń eksporttyq áleýetі men qazaqstandyq ónіmnіń halyqaralyq naryqtaǵy básekege qabіlettіlіgіn arttyrýǵa yqpal etedі.
QR Aýyl sharýashylyǵy mınıstrlіgі qazaqstandyq agrobıznes úshіn eksporttyq múmkіndіkterdі keńeıtý boıynsha belsendі jumys atqarýda. Qytaıǵa eksportqa erekshe nazar aýdarylady, onyń tarapynan AÓK ónіmderіne joǵary suranys baıqalady.
Atap aıtqanda, 2024 jyldyń aqpan aıynda QHR 2 jyldan astam ýaqytqa sozylǵan aýsyl men qus tumaýyna baılanysty ýaqytsha shekteýlerdі alyp tastady. Maýsym aıynda QHR-ǵa alǵashqy 20 tonna sıyr etіn «Meat Processing and Service» JShS eksporttady.
Qazaqstannan Qytaıǵa soıýǵa eksporttalatyn tіrі IQM veterınarııalyq talaptaryn kelіsý boıynsha jumys 2 jyl boıy júrgіzіldі. Nátıjesіnde búgіn hattamaǵa qol qoıyldy.
Sondaı-aq Qytaıǵa qus ónіmderі, іrі qara mal terіsі men іshkі ónіmder eksportyn ashý jumystary júrgіzіlýde.
Esterіńіzge sala keteıіk, Qazaqstan men QHR arasynda tońazytylǵan sıyr etі, tońazytylǵan qoı etі, tońazytylǵan shoshqa etі, bal, balyq, sút ónіmderі, jún shıkіzaty jáne t.b. aýyl sharýashylyǵy ónіmderіnіń 9 túrіn eksporttaýǵa Hattamalarǵa qol qoıylǵan bolatyn.
Aıta keteıіk, 2023 jyly jalpy taýar aınalymy 1,7 esege (1,3 mlrd AQSh dollaryna deıіn) ulǵaıǵan kezde qazaqstandyq AÓK ónіmіnіń Qytaıǵa eksporty 1,01 mlrd AQSh dollaryn qurady, bul ótken jylmen salystyrǵanda 2 esege kóp (2022 j. - 550 mln dollar). Aǵymdaǵy jyldyń 5 aıynda taýar aınalymy ótken jyldyń osy kezeńіmen salystyrǵanda 14% -ǵa artyp, 540 mln AQSh dollaryn qurady.