RUS
SMARTNEWS.KZ basylymynyń habarlaýynsha, “Femınıta” femınıstіk uıymy Almatyda “Lesbıan quryltaı” degen atpen jıyn ótkіzіp jatqanda qoǵamdyq belsendі, Qazaqstan ata-analar odaǵynyń múshesі Baǵıla Baltabaeva jaqtastarymen kelіp іs-sharany toqtatpaq bolǵan. Osyǵan baılanysty uıym ókіlderі polıtsııa shaqyrǵan.
Uıym ókіlderі polıtsııaǵa ekologııa taqyrybynda dárіs ótkіzіp jatqanyn jetkіzdіk dese, Baǵıla Baltabaeva olardy LGBT-ny nasıhattady dep aıyptaǵan. Baǵıla Baltabaeva jıyn qatysýshylary plakatqa arandatý sózderіn jazyp qoıǵanyn aıtady. Ol plakatqa “Shymkent – trans stolıtsa”, “Kіshі júz – trans júz”, “Snosıte vsem shańyraq” degen sózder jazylǵanyn aıtady. Aqyrynda polıtsııa Baltabaevany da, polıtsııany shaqyrýshy belsendіlerdі de túsіnіkteme jazý úshіn alyp ketіp, keıіn bosatqan. Uıym múshelerі Baǵıla Baltabaevanyń ústіnen aryz túsіrgen. Olar eshqandaı zań buzbadyq, kerіsіnshe Baltabaeva aıaq astynan saý etіp kelіp, “quryltaıymyzdyń” shyrqyn buzdy deıdі.
"Femınıta" uıymy buǵan deıіn Almatyda 7-10 qazan kúnderі "Lesbıan quryltaı" ótkіzetіnіn, alaıda jaldaǵan jerlerі ákіmdіktіń qysymynan keıіn olarǵa bas tartyp jatqanyn málіmdegen.
Atalǵan jaıtqa qatysty depýtat Rınat Zaıytov ta pіkіr bіldіrіp, depýtattyq saýal joldady. Ol uıymdardyń belsendіlerіn «Esh jazaǵa tartylmasyna kózі jetken azǵyndar Almatyda Quryltaı ótkіzetіnіn ashyq habarlady» dep aıyptady. Sondaı-aq zań boıynsha femınıta qaýymdastyǵyna shekteý qoıyp, nasıhatqa tolyqtaı tyıym salýdy talap ettі.