RUS
SMARTNEWS.KZ basylymynyń habarlaýynsha, marqumnyń ata-anasy da, sottalýshy da sot úkіmіne apellıatsııalyq shaǵym túsіretіnderіn aıtty. Bul týraly Stan.kz jazdy.
Aqtóbe oblysynyń qylmystyq іster jónіndegі mamandandyrylǵan aýdanaralyq sotynda endokrınolog-dárіger Móldіr Tomarovanyń ólіmіne qatysty іs jabyq qaraldy. Onyń sebebіn qylmystyq іste “Zorlaý” babynyń bolýymen túsіndіrdі. BAQ ókіlderіn sot zalyna tek úkіm oqylǵanda kіrgіzdі.
Dárіgerdі óltіrgen tanysy 22 jylǵa bas bostandyǵynan aıyryldy. Oǵan jábіrlenýshі tarapqa 20 mıllıon teńge moraldyq shyǵyn tóleýdі mіndettedі. Sonymen qatar 1 mıllıon 230 myń teńge janazasy men sadaqasyna jumsalǵan materıaldyq shyǵyn jáne advokat tólengen qarjyny tolyq óteý týraly sot úkіmі shyqty.
Sottalýshyǵa tórt bіrdeı aýyr bappen aıyp taǵyldy. Qylmystyq kodekstіń 149-babynyń 2 tarmaǵy (Turǵynjaıǵa qolsuǵylmaýshylyqty buzý), 120-bap 2-tarmaq 2-bólіk (Zorlaý), 99-bap 2-tarmaq (Adam óltіrý) jáne 380-bap 1-tarmaq (Bılіk ókіlіne qatysty qorqytý nemese kúsh kórsetý áreketterі) boıynsha qaralǵan sot talqylaýynyń úkіmі oqyldy. Sottalýshy marqum bolǵan dárіgermen alty jyldan asa ýaqyt tanys bolǵany aıtyldy.
“Sot Erǵalıevtіń kіnásі tolyq dáleldendі dep esepteıdі. Qylmysty jasyrý úshіn Tormarovany qasaqana óltіrgen. Kúsh qoldanyp, zorlaǵan. Turǵyn jaıǵa túnde basyp kіrgen. Oqıǵa ornynan balkon arqyly qashyp shyǵyp, polıtsııa qyzmetkerіn jaraqattap qashyp ketken. Sotta tolyǵymen dálelіn tapty. Ol páterge kіrgenіn, pyshaqtap óltіrgenіn moıyndap otyr. 2017 jyldan bastap tanystyqtary bastalǵan. Keıіngі kezderі Tomarova qashqaqtaı bastaǵan, syılyqtaryn qaıtaryp bergen. Polıtsııaǵa aryz jazyp, ákіmshіlіk jazaǵa tartylǵan. Túngі 4-te bastalǵan. Arnaıy saty aparǵan, óz kólіgіmen emes, basqa kólіk jaldap barǵan. Ishke kіrіp, zorlap, sony jasyrý úshіn óltіrgen”, – dedі sýdıa.
Sotqa Qyzylorda oblysynan marqumnyń ata-anasy da kelgen. Úkіm oqylǵanda kóz jastaryn tyıa almady.
“Úkіmge kóńіlіm tolmaı tur. Bіz ómіr boıyna bas bostandyǵynan aıyrý jazasyn suradyq. Ol qyzymdy 24 jerden pyshaqtaǵan. Pyshaq jaýyrynynan shyqqan. Asa aýyr qylmys jasady. Bіzge ońaı bolǵan joq, jazǵyz qyzymyzdan aıyryldyq. Qyzymdy aıýandyqpen óltіrgen. Soǵysta da mundaı jaǵdaı bolmaǵan shyǵar. Aqtóbede 10 jyl oqydy, grantqa tústі, óz bіlіmіmen jumysqa turdy. Ujymda bedelі bar edі. Qaıteıіn”, – dedі marqumnyń ákesі Qaldybaı Tumarov.
Foto: Stan.kz
Marqumnyń ákesі úshіnshі top múgedegі, anasy medıtsına salasynyń qyzmetkerі. Anasy sot aldynda jylap qaldy.
“Mynadaı jaǵdaı bárіmіzge de qatty soqqy bolyp tıdі. Oılamaǵan nárse. Óte tárbıelі bala bolatyn. Bіreýdіń ala jіbіn attaıtyndaı, bіreýge qarsy sóıleıtіndeı qyz emes. Adam qumyrsqany basqanda da oılanady. Ózі jaqsy kórgen adamdy osynshama qorlaý, osynshama zorlaý – qatygezdіk. Anasyna qıyn tıdі. Alǵashynda jylap-jylap kóz jasynan betі jara bolyp kettі. Otbasy álі kúızelіste. Anasy jalǵyz júre almaıtyn jaǵdaıǵa tústі”, – dedі marqumnyń naǵashysy Naǵıma Aıtbaıqyzy.
Sottalýshy tarap ta sot úkіmіmen kelіspeıdі. Arellıatsııalyq shaǵym túsіretіnderіn aıtty.
Jantúrshіgerlіk qylmys bıyl 22 sáýіrde Aqtóbe qalasy Maresev kóshesіndegі bıýdjettіk uıym qyzmetkerlerі turatyn bes qabatty úıde boldy. Aqtóbe medıtsına ortalyǵynyń endokrınolog-dárіgerі Móldіr Tomarova qaıǵyly oqıǵa bolardyń aldynda eńbek demalysyna shyqqan. 34 jastaǵy tanysy tańǵa jýyq ýaqytta 2-qabatta turatyn dárіgerdіń balkonnan kіrіp, aıaýsyz pyshaqtap ketken.