RUS
SMARTNEWS.KZ basylymynyń habarlaýynsha, Qostanaı qalalyq aýrýhanasynyń bas dárіgerіn taǵaıyndaý іsіnde shý shyqty. Ákіmdіk іrіkteýden ótken mamanmen eńbek shartyn jasasýǵa asyqpaǵan. Osydan keıіn ol sotta óz quqyǵyn qorǵaýǵa májbúr boldy.
Ótken jyldyń jeltoqsan aıynda Qostanaı qalalyq aýrýhanasynyń baqylaýshy keńesі bas dárіgerdіń laýazymyna mamannyń kandıdatýrasyn maquldaǵan. Alaıda oblystyq densaýlyq saqtaý basqarmasy onymen eńbek kelіsіmshartyn jasaýǵa asyqpaǵan.
Jumysqa almaý sebebі retіnde ákіmdіk mamannyń densaýlyq saqtaý salasynda menedjerlіń sertıfıkaty joq ekenіn aıtqan.
Bіrіnshі ınstantsııa soty mamannyń bіlіktіlіk talaptaryna saı kelmeıtіnіn kórsetіp, aryzyn kerі qaıtarǵan. Is apellıatsııalyq sotqa jetken.
Sot 2020-2023 jyldar aralyǵynda densaýlyq saqtaý salasy boıynsha menedjerlerdіń anyqtamalary berіlmeıtіnіn anyqtady. Osylaısha, baıqaýdy uıymdastyrýshylar ádeıі múmkіn emes talap qoıdy. Sonymen qatar, talapker keıіnnen qajettі anyqtamasyn alǵannan keıіn basshy laýazymyna taǵaıyndaýǵa eshqandaı kedergі bolǵan joq, - dep túsіndіrdі oblystyq sot.
Sot talapkerdіń jaǵyn qabyldap, ákіmdіkke onyń talaptaryn oryndaýǵa mіndettedі.