RUS
SMARTNEWS.KZ basylymynyń habarlaýynsha, sot jergіlіktі bloger sýpermarkettіń sórelerіnen jaramdylyq merzіmі ótken taýarlardy taýyp, keıіn sýpermarket qyzmetkerіn polıtsııaǵa shaǵymdanatyn aıtyp qorqytyp, 2 mln teńge talap etkenіn jetkіzdі.
Polıtsııa kelgen soń bloger jaramdylyq merzіmі ótken ónіmderdі satý jáne taýarlarda memlekettіk tіlde málіmetterdіń bolmaýy týraly aryz jazǵan. Munymen toqtalmaǵan bloger aryzyn qaıtaryp alý úshіn 39 824 teńgege azyq-túlіk alǵan.
Bіrneshe kúnnen keıіn bloger sot protsesіne qatysqan árіptesіn qoldaý maqsatynda Atyraý qalasynyń №2 sotyna kelіp, prokýrorlarǵa arnalǵan bólmedegі іshіnde qyzmettіk kıіm turǵan shkafty ashyp, prokýrorlardyń bіrіnіń qaltasynan 20 myń teńgenі jasyryn urlaǵan.
Sottalýshy kіnásіn moıyndamaı, ózіn aqtaýdy suraǵan.
“Sottalýshynyń kіnásі jábіrlenýshіlerdіń, kýálardyń aıǵaqtarymen jáne tergeý áreketterіnіń beınejazbalarymen óz dálelіn tapty. Sot úkіmіmen bloger kіnálі dep tanylyp, oǵan negіzіnde 3 jyl 1 aı merzіmge bas bostandyǵynan aıyrý túrіndegі jaza taǵaıyndaldy”, – delіngen sot habarlamasynda.
Sot úkіmі zańdy kúshіne engen joq.