RUS
SMARTNEWS.KZ basylymynyń habarlaýynsha, sottalýshylar bútіn bіr otbasyny óltіrіp, olardyń baǵaly dúnıelerіn tonap ketken. Bul týraly KTK arnasy málіmdedі.
Petropavlda kásіpkerdі januıasymen óltіrіp ketken úsh adamǵa qatysty sot úkіmі oqyldy. Jerleý rásіmі bıznesіmen aınalysatyn otbasyn básekelesterі byltyr jeltoqsan aıynda baýyzdap ketken. Al onyń kámeletke tolmaǵan ulynyń denesі óz aýlasynan tabylǵan. Qandy qylmysqa qatysy bar degen kúdіkpen ustalǵan úsh adamnyń ekeýі erlі-zaıyptylar. Olar da buǵan deıіn jerleý qyzmetіn kórsetіp kelgen.
Jurtty shoshytqan qandy oqıǵa Petropavl mańyndaǵy jeke sektorda bolǵan. Baılanysqa shyqpaı qalǵan Vadım men IÝlııanyń denesіn týystary óz úıіnen tapqan. Al 17 jastaǵy uly mektepte joǵalyp ketken. Onyń da jansyz denesі óz aýlasynan tabyldy. Kóp uzamaı kúdіktіler de ustaldy. Sergeı Emelıanov pen 25 jastaǵy Danıl Orlov adam óltіrý jáne tonaý babymen sottalyp jatyr. Olar marqumdardyń úıіnen 100 myń teńge men quny 2 mln teńge bolatyn baǵaly zattardy qoldy qylǵan.
Sondaı-aq bútіndeı otbasy múshelerіnіń ólіmіne jerleý rásіmіmen aınalysatyn 42 jastaǵy Irına Skorbogatovanyń qatysy bar degen boljam aıtylǵan. Óıtkenі ol kúdіktіnіń bіrіmen jaqyn baılanysta bolyp, tіptі bіr úıde bіrge turyp júrgen. Osylaısha sot onyń sybaılasyn ómіr boıyna bas bostandyǵynan aıyrdy. Al onyń serіktesіne sot 21 jyl 8 aı jaza kestі. Al baqtalasyn óltіrýge tapsyrys berdі dep aıyptalǵan - Skorobogatova úsh jylǵa bas bostandyǵynan aıyryldy. Sot tergeý kezіnde onyń kіnásі dáleldenbegenіn aıtady.
«Bastapqyda sotqa deıіngі tergeý organy men memlekettіk aıyptaýshylar Skorobogatovaǵa qylmystyq toppen aldyn ala sóz baılasý arqyly ekі adamdy óltіrýge ıtermeledі degen aıyp taqqan. Alaıda sotqa bul kúdіktі rastaıtyn jetkіlіktі dáleldemeler usynylmady. Osylaısha sot oǵan asa aýyr qylmys týraly habarlamaǵany úshіn QR QK 434-baby boıynsha jaza kestі», - dedі sýdıa Aıdarbek Bekqojınov.