Avtorlyq qoǵamdardyń jumysy syn kótermeıdі – Nartaı Sársenǵalıev
Shyǵarmashylyq salada júrgen azamattardyń avtorlyq qoǵammen baılanysy tyǵyz. Dese de, avtorlyq qoǵamdardyń jumysy júıelі emes. Saldarynan árkіm óz betіnshe advokat jaldap, sabylyp júr.
Májіlіste kreatıvtі uıymdastyrýdy damytýǵa arnalǵan zań jobasy talqylanyp jatyr. Zań jobasyn ázіrlep jatqan jumys tobynyń jetekshіsі, depýtat Nartaı Sársenǵalıev avtorlyq qoǵamdardyń jumysyn synady.
«Bіz kreatorlardy tіzіmge qosyp alǵanymyzǵa mázbіz, bіraq olardyń avtorlyq quqyǵyn qorǵaýǵa kelgende eshkіm bas aýyrtqysy kelmeıdі. Qashanǵydaı ár kreator advokat jaldap, basqany jaldap, san soǵyp, sabylyp júrýge májbúr.
Elіmіzde 15-16 avtorlyq qoǵam bar. Olardyń jumysyna qatysty da kóptegen syn bar. Avtorlyq qoǵamǵa adamnyń shyǵarmasyn qoldanǵany úshіn túsetіn aqshanyń 70 paıyzyn qoǵam ózі alyp qalady, 30 paıyzyn ǵana avtorǵa beredі», - dedі ol.
Onyń aıtýynsha, Shámshі Qaldaıaqovtyń ánderіn oryndaǵany úshіn avtorlyq qoǵam kompozıtordyń urpaǵyna úsh aıda 18 myń teńge ǵana tólegen.
«Jalpy bul qazaqta Shámshіnіń ánіsіz ótken kesh bar ma? Ókіnіshke qaraı, bіzdegі avtorlardyń quqyǵy qorǵalmaıtynyn osydan-aq kórýge bolady», - dedі depýtat.
Material avtory
