RUS
Premer-mınıstr Oljas Bektenov Ýkraına tóńіregіndegі jaǵdaıǵa baılanysty qorǵanys, іshkі іster, tótenshe jaǵdaılar, syrtqy іster, densaýlyq saqtaý, kólіk, energetıka, ónerkásіp jáne qurylys, ulttyq ekonomıka, qarjy mınıstrlіkterіnіń basshylyǵymen Memleket basshysynyń negіzgі áskerı jáne azamattyq obektіlerdіń qaýіpsіzdіgіn qamtamasyz etý jónіnde shuǵyl sharalar qabyldaý týraly tapsyrmalaryn oryndaý jónіnde jedel keńes ótkіzdі. Bul týraly QR Úkіmetі habarlady.
Premer-mınıstr qorǵanys mınıstrі Rýslan Jaqsylyqovtyń strategııalyq jáne ınfraqurylymdyq obektіlerdі qorǵaýdy qamtamasyz etý boıynsha júrgіzіlіp jatqan jumystar týraly málіmetterіn tyńdap, memlekettіk organdardyń іs-qımyldaryn kúsheıtýge baǵyttalǵan bіrqatar mіndetter qoıdy. Turaqtylyq pen qoǵamdyq tártіptі saqtaý, kólіk qatynasynyń qaýіpsіzdіgі, densaýlyq saqtaý obektіlerіnіń qyzmetі jáne basqa da máselelerge nazar aýdaryldy.
Ýákіlettі qurylymdardyń basshylyǵyna Prezıdenttіń qaýіpsіzdіktі qamtamasyz etý jónіndegі tapsyrmalarynyń oryndalýyn erekshe baqylaýda ustaý jáne jaǵdaıdyń ózgerýі týraly shuǵyl rejımde baıandaý tapsyryldy.