RUS
SMARTNEWS.KZ basylymynyń habarlaýynsha, Sırııada búlіkshіler bılіkten taıdyrylǵan prezıdent Bashar Asadtyń ákesіnіń kesenesіn búldіrіp, qabіrіn órtep jіberdі. Internette vıdeo men sýret tarady.
Málіmetterge qaraǵanda, qarýly búlіkshіler tastan qalanǵan úlken kesenege Sırııa oppozıtsııasynyń týyn alyp kіrdі. Olar ǵımarattaǵy áınekterdі syndyryp, Hafez Asad molasyna ot qoıdy. Ishіnde turǵan tabytty dalaǵa alyp shyǵyp, ony da órtep jіberdі. Keńsesі Ulybrıtanııada ornalasqan Sırııa adam quqyqtary jónіndegі observatorııasy (SOHR) málіmettі rastady, dep habarlaıdy Euronews.
BAQ málіmetіnshe, Bashar Asadtyń ákesі Hafez Asad 1930 jyly Jerorta teńіzі jaǵalaýyndaǵy Latakııa qalasy mańyndaǵy Kardaha aýylynda týǵan. Hafez Asad eldі otyz jyl boıy ásker kúshіmen ustaǵan. Ol bılіkke 1970 jyly tóńkerіs nátıjesіnde kelgen. 2000 jylǵa deıіn el basqarǵan. Hafez Asad bılіgі kezіnde saıası baqtalastaryn qýdalaǵan.
2000 jyly Hafez Asadty arnaıy kesenege jerlegen. Onyń aldynda osy kesenege 1994 jyly jol apatynan qaza tapqan úlken uly Basıl jerlengen.