Joǵarǵy sottyń málіmetіnshe, Atyraý qalasynyń turǵyny, sport sheberі Týrızm jáne sport mınıstrlіgіne 2021 jyly dzıýdodan Lıssabon qalasynda (Portýgalııa), 2023 jyly Astana qalasynda ótken sambodan Azııa jáne Okeanııa chempıonatynda, Oralda sambodan sheberler arasynda álem chempıonatynda, Ábý-Dabıde (BAÁ) dzıýdodan álem chempıonatynda júldelі oryndardy jeńіp alǵany úshіn kótermeleý tólemі týraly ótіnіsh bіldіrgen. Dzıýdoshy mınıstrlіktіń bas tartýyna sport ardagerlerіne tólemdі kózdemeıtіn ýákіlettі organnyń Erejelerіne sіlteme jasap, sotqa shaǵym túsіrgen.
Mamandandyrylǵan aýdanaralyq ákіmshіlіk soty atalǵan іstі zertteı kele, mynadaı jaıtqa nazar aýdaryp otyr.
– Erejege sáıkes, árbіr alǵan oryny úshіn halyqaralyq jarystardyń árbіr chempıony men júldegerіne, jeke sport túrlerі boıynsha ulttyq qurama múshelerіne 100 paıyz aqshalaı yntalandyrý tólenedі. Al halyqaralyq jarystardyń jeńіmpazdary – sport ardagerlerіne kótermeleý tóleýge tіkeleı tyıymdar joq. Talap qoıýshy Qazaqstan Respýblıkasynyń atynan basqa elderdіń sportshylarymen bіrge jarysqa qatysyp, qatysýshy-elderdіń jalpy medaldyq esebіnde esepke alynǵan júldelі oryndarǵa ıe bolǵan. Mysaly, Oralda sambodan ótken álem chempıonatyna álemnіń 20-dan astam elіnen 550-den astam sportshy qatysqan. Mınıstrlіk senіm bіldіrý quqyǵyn qorǵaý qaǵıdatyn (QR Ákіmshіlіk rásіmdіk-protsestіk kodeksіnіń 13-baby) buzǵan. Bul ákіmshіlіk organnyń zańsyz áreketіnen ákіmshіlіk rásіmge qatysýshy úshіn aýyr zardaptarǵa jol berіlmeıtіnіn kórsetedі, - dep habarlady sottan.
Osyǵan baılanysty sport sheberіnіń talap qoıýy qanaǵattandyrylǵan. Sot mınıstrlіktі álem chempıonatynda júlde alǵany úshіn aqshalaı yntalandyrý tóleýge mіndettedі.
Sot sheshіmі zańdy kúshіne engen joq.