RUS
SMARTNEWS.KZ basylymynyń habarlaýynsha, 13 jeltoqsanda Almaty oblysynyń ákіmshіlіk іster jónіndegі sot alqasy marqum Sherzattyń ákesі Qarjaýbaı Nurymovqa qatysty Eńbekshіqazaq aýdandyq sotynyń sheshіmіn ózgerіssіz qaldyrdy. Olar advokattardyń apellıatsııalyq shaǵymyn qanaǵattandyrmady. Bul týraly Stan.kz jazdy.
Qarjaýbaı Nurymovtyń advokattary sotqa shaǵym túsіrіp, jeńіldetetіn faktorlardy eskerýdі surady.
"Qarjaýbaı Nurymov - kámeletke tolmaǵan tórt balanyń ákesі. Ol úıde joq kezde balalary áke qamqorlyǵynsyz qaldy. Ol otbasynyń jalǵyz asyraýshysy. Qart ata-anasy, jubaıy, kámeletke tolmaǵan balalary úıіnde qaldy", – delіngen advokattardyń shaǵymynda.
Osylaısha olar aldyńǵy sot sheshіmіn buzýdy talap etken. Alaıda sot sheshіmdі ózgerіssіz qaldyrdy.
Eske salsaq, buǵan deıіn Talǵarda jappaı tóbeles bolyp, saldarynan 16 jastaǵy Sherzat Polat kóz jumǵan edі. Jasósіpіrіmnіń ólіmіnen keıіn Sherzat Polattyń úıіn belgіsіz bіreýler órtep kettі. 9 jeltoqsan kúnі Talǵardyń shetіnen Sherzattyń aǵasy Nurǵanat Ǵaıypbaevtyń denesі tabyldy.
Osy jaıttan soń 10 jeltoqsanda Sherzattyń ashynǵan ákesі jýrnalıstterdіń kelýіn talap etіp, qolyna pyshaq ustap ózіne qol jumsaıtynyn aıtqany úshіn ustalǵan edі. Qarjaýbaı Nurymov “Buzaqylyq” baby boıynsha sottalyp, 15 táýlіkke qamaýǵa alyndy.
Qaraly otbasynyń otaǵasyn qamaýǵa alý kópshіlіktіń narazylyǵyn týdyrdy.