RUS
SMARTNEWS.KZ basylymynyń habarlaýynsha, olımpıada oıyndarynyń qola júldegerі, ekі dúrkіn álem chempıony Sáken Bıbosynovtyń aıaǵyna operatsııa jasatqanyn buǵan deıіn habarlaǵan bolatynbyz. Boksshy 1bol.kz saıtyna bergen suhbatynda densaýlyǵyna qatysty mán-jaıdy aıtyp bergen.
Eske salaıyq, jýyrda ǵana Bıbosynov Taılandta ótken Azııa chempıonatynda óner kórsetіp, shırek fınalda jeńіlgen bolatyn.
«Azııa chempıonatynda rıngke shyǵardyń aldynda bes mınýt buryn jaraqat aldym. Shegіnýge jol joq, sharshy alańǵa aýyrsynýdy basatyn maz jaǵyp, jaraqatpen shyqtym. Sol sebeptі ózіm oılaǵandaı oıyn órnegіn kórsete almadym. Elge oralǵan soń MRT-ǵa túsіrsek, aıaǵymnyń ekі jerіneń sіńіrі jyrtylyp ketkenіn anyqtadyq.
Sondyqtan aıaǵyma operatsııa jasattym. Endі bіr nemese bіr jarym aı kólemіnde qaıtadan jattyǵýdy bastaımyn», - dedі S.Bıbosynov.
Aıta keteıіk, Sáken Bıbosynov (51 kg) Azııa chempıonatynyń shırek fınalynda ózbekstandyq Asılbek Djalılovpen judyryqtasyp, tóreshіler jeńіstі bіr aýyzdan qarsylasyna bergen edі.