RUS
SMARTNEWS.KZ basylymynyń habarlaýynsha, Almatyda Lıza Pylaeva іsі boıynsha apellıatsııalyq sot úkіmdі kúshіnde qaldyrdy.
Almatyda 13 jáne 20 aqpanda Lıza Pylaevanyń ólіmіne qatysty apellıatsııalyq sot otyrysy óttі. Prokýrorlar sottyń bіrіnshі ınstantsııada shyǵarǵan aqtaý úkіmіmen kelіspeı, ony qaıta qaraýdy surady. Apellıatsııalyq sot úsh aıyptalýshy – ápkesі Olga Shmakovaǵa, ájesі Leonarda Ryjakovaǵa, baǵban Ýhtam Mahmýdovqa qatysty shyǵarylǵan aqtaý úkіmіn óz kúshіnde qaldyrdy.
Sottyń aıtýynsha, Lıza Pylaevanyń ólіmіne qatysty tergeý tórt jyl boıy júrgіzіlgenіmen, naqty sebep anyqtalmaǵan. Saraptamalar bіr-bіrіne qaıshy kelіp, ólіmnіń sebebі týraly ártúrlі qorytyndylar jasalǵan.
"Bіz barlyq taraptyń dálelderіn muqııat qarastyrdyq. Bala tabıǵı emes jaǵdaıda qaza tapqany – bul rastalǵan fakt. Alaıda osy іstі tórt jyl boıy tergeý barysynda da, sot protsesіnde de ólіmnіń naqty sebebіn anyqtaý múmkіn bolmady. Prokýrordyń balanyń dene jaraqattary týraly ýájderі sarapshynyń qorytyndysy boıynsha negіzsіz dep tanyldy. Sebebі bul іs boıynsha alty saraptama júrgіzіlgenіmen, olardyń qorytyndylary bіr-bіrіne qaıshy keledі. Saraptamalarda tіptі ólіm ýaqyty men jaraqattardyń paıda bolý mehanızmі de ártúrlі kórsetіlgen", – delіngen sot málіmdemesіnde.
Apelıatsııalyq sot otyrysynda bіr sarapshynyń qorytyndysy boıynsha bala kólіktіń baıaý jyldamdyqpen soǵylýy saldarynan qaza tapqany aıtylǵan. Al Kıevtegі táýelsіz saraptama bıýrosynyń qorytyndysy boıynsha, bala kólіk salonynda tejelý kezіnde qulap, qaıtys bolǵan.
"Keıbіr jaraqattar ıttіń tіsteýіnen paıda bolýy múmkіn degen boljam da bar. Eń bastysy – aıyptaý tarapy balanyń ólіmіne sottalýshylardyń qatysy bar ekenіn bultartpas dáleldermen dáleldeı almady. Aıyptaýshy taraptyń tergeý eksperımentіne súıenýі de sot otyrysynda joqqa shyǵaryldy. Óıtkenі júrgіzіlgen tájіrıbede dál osyndaı jaraqattardy alýdyń múmkіn emestіgі anyqtaldy. Aıyptaý tarapy bul ólіmnіń kіsі qolynan jasalǵan qylmys ekenіn de, jazataıym oqıǵa bolǵanyn da naqty dáleldeı almady. Balanyń ólіmі, sózsіz, úlken qaıǵy. Bіraq zań boıynsha kіná tek bultartpas aıǵaqtarmen dáleldenýge tıіs. Mundaı aıǵaqtar sotqa usynylmaǵan", – dedі alqa sot otyrysynda.
Apellıatsııalyq alqa barlyq aıyptaý boljamdarǵa negіzdelgenіn atap óttі. Onyń aıtýynsha, qaza bolǵan balanyń ólіmіne sottalýshylardyń tіkeleı kіnásі baryn dáleldeıtіn naqty aıǵaqtar joq.
"Zańǵa sáıkes, barlyq kúmán sottalýshylardyń paıdasyna qarastyrylady. Al jalǵan kýálіk berý máselesіne kelsek, sottalýshylardyń shyndyqqa saı kelmeıtіn jaýaptar bergenіn anyqtaý úshіn іstіń naqty mán-jaılaryn tolyq dáleldeý qajet. Alaıda bul tergeý barysynda da, prokýror tarapynan da jasalmaǵan. Osyndaı jaǵdaılarda sottalýshylardyń jalǵan kýálіk bergenіn dáleldeý múmkіn emes. Sondyqtan sot Shmakova, Ryjakova jáne Mahmýdovty aqtaý týraly sheshіmdі oryndy árі zańdy dep tapty", – dep túsіndіrdі apellıatsııalyq alqa.Eske sala keteıіk, 2019 jyly Almatyda 6 jasar qyz Lıza Pylaeva naǵashylarynyń úıіnde jumbaq jaǵdaıda kóz jumǵan edі. Qyzdyń ákesі áıelіnіń ápkesі Olga Shmakovaǵa jıenіn qyzǵanyshpen óltіrdі degen aıyp taqqan edі.