RUS
SMARTNEWS.KZ basylymynyń habarlaýynsha, Aqmola oblystyq sotynda tórt jyl buryn áıelge tıіstі medıtsınalyq kómek kórsetpegen dárіgerlerge qatysty іs qaraldy. Bul týraly Stan.kz jazdy.
2021 jyly Aqmola oblysynyń 43 jastaǵy turǵyny "gıperglıkemııalyq jaǵdaı" dıagnozymen aýrýhanaǵa jetkіzіlgen. Tórt saǵattan keıіn dárіgerler onyń kóz jumǵanyn aıtqan.
Marqumnyń baýyry aýrýhanadan moraldyq shyǵyn óndіrіp alý týraly talap aryz berіp, onyń ápkesі medıtsına qyzmetkerlerіnіń óz kásіbı mіndetterіn tıіstі deńgeıde oryndamaýy saldarynan kóz jumǵanyn alǵa tartqan.
Sot aýrýhanany moraldyq shyǵyn retіnde talapkerge 1,5 mıllıon teńge tóleýge mіndettedі. Alaıda talapker bul somany az dep taýyp, sot sheshіmіne shaǵym túsіrdі.
"Aqmola oblystyq soty іstі qaraý barysynda densaýlyq saqtaý departamentіnіń qorytyndysyna súıene otyryp, patsıenttіń іshkі qan ketý saldarynan qanazdyqtan qaıtys bolǵanyn anyqtady. Dárіgerler onyń jaǵdaıyn durys baǵalamaǵan, emdeý dıagnostıka hattamalaryna sáıkes kelmegen. Konsılıým, ýltradybystyq zertteý, tar beıіndі mamandardyń keńesі jáne shuǵyl ota jasalmaǵan. Kórsetіlgen medıtsınalyq qyzmet sapasyz bolyp, naýqastyń jaǵdaıyn nasharlatyp, onyń ólіmіne ákelgen”, – delіngen aqparatta.
Sarapshylardyń pіkіrіnshe, ýaqtyly dıagnostıka, mamandar keńesі jáne hırýrgııalyq aralasý jasalǵanda, áıeldіń ómіrіn saqtap qalýǵa bolar edі. 2021 jyly bul faktі boıynsha qylmystyq іs qozǵalǵan, alaıda 2024 jyly qylmystyq jaýapkershіlіk merzіmіnіń ótýіne baılanysty іs jabylǵan.
"Istіń mán-jaıyn, talapkerdіń moraldyq azabyn, kіnánіń túrіn (abaısyzdyq) eskere otyryp, sot bіrіnshі ınstantsııa sheshіmіn ózgerttі. Moraldyq shyǵyn ótemaqysynyń mólsherі 5 mıllıon teńgege deıіn ulǵaıtyldy", – delіngen sot habarlamasynda.