SMARTNEWS.KZ basylymynyń habarlaýynsha, Astana qalasynyń mamandandyrylǵan aýdanaralyq sotynyń úkіmіmen «Bolashaq sáýletshіlerі» qorynyń negіzіn qalaýshy Marat Ábıev pen onyń sybaılastary sottaldy.
QMA málіmetіnshe, Marat Ábıev 9 jylǵa bas bostandyǵynan aıyryldy.
QR Qylmystyq kodeksіnіń 262-babynyń 1-tarmaǵy (uıymdasqan topty qurý jáne basqarý, sondaı-aq oǵan qatysý), 197-baby 4-tarmaǵynyń 1-tarmaqshasy (munaı men munaı ónіmderіn zańsyz satyp alý, satý, saqtaý jáne tasymaldaý, sondaı-aq olardyń zańdylyǵyn rastaıtyn qujattarsyz óńdeý), 234-babynyń 3-tarmaǵynyń 2-tarmaqshasy (ekonomıkalyq kontrabanda) boıynsha 9 jylǵa bas bostandyǵynan aıyryldy, sondaı-aq memlekettіk qyzmette ómіr boıyna laýazym atqarýǵa tyıym salynyp, qoǵamdyq bіrlestіkterdі qurýǵa jáne basshylyqqa alýǵa baılanysty qyzmetpen 5 jyl merzіmge aınalysý quqyǵynan aıyrýmen taǵaıyndaldy. Onyń sybaılastary 8 jylǵa bas bostandyǵynan aıyryldy, - delіngen málіmette.
Sot sheshіmі boıynsha aıyptalýshylardyń múlkі tárkіlenіp, olardyń kontrabandalyq jolmen alynǵan 6 mlrd teńgeden astam qylmystyq tabysy tárkіlendі.
Buǵan deıіn agenttіk Marat Ábıev pen onyń sybaılastary — Anton Novıtskıı, Janіbek Darıbaev, Evgenıı Grebnev, Amanaı Mahmetov — qatysty aldyn ala tergeý aıaqtalǵanyn habarlaǵan bolatyn.
2018-2022 jyldar aralyǵynda atalǵan tulǵalar uıymdasqan top quryp, Aqtóbe oblysyndaǵy MÓZ-da EAEO aýmaǵynda kólemі 50,6 myń tonna bolatyn satýǵa tyıym salynǵan «K-2» ekologııalyq klasty dızel otynyn óndіrgen.
Keıіn bul dızel otyny basqa munaı ónіmі retіnde 11,3 mlrd teńgege satyldy, sonyń іshіnde 22,6 myń tonnasy 6,7 mıllıard teńgege shetelge kontrabandalyq jolmen shyǵaryldy, - dep qosty agenttіk.
Atap ótsek, munaı ónіmderіnіń zańsyz aınalymynan túsken qylmystyq tabys arqyly «Genesis» (nemese «Bolashaq sáýletshіlerі») atty zańsyz qoǵamdyq bіrlestіktіń qyzmetі qarjylandyrylǵan, ony quryp basqarǵany úshіn 2023 jyldyń 21 tamyzynda Marat Ábıev 7 jylǵa bas bostandyǵynan aıyrylǵan bolatyn.
Sot úkіmі álі zańdy kúshіne engen joq.