RUS
SMARTNEWS.KZ basylymynyń habarlaýynsha, Qaraǵandyda oblystyń burynǵy bas tergeýshіsі Rýstam Kúlkeev sot aldynda jaýapqa tartyldy. Kúdіktіge dálelzat retіnde tárkіlengen zattardy, sonyń іshіnde Temіrtaýdaǵy tutas bіr konteıner maınıng jabdyqtaryn urlady degen aıyp taǵylyp otyr. Bul týraly Informbıýro baǵdarlamasy jazdy.
Kúlkeevtі úsh advokat jáne onyń zaıyby qoǵamdyq qorǵaýshy retіnde qorǵamaq. Qylmystyq іstіń kólemі – 49 tom. Buǵan deıіn Qaraǵandyda osy іske qatysty úsh sybaılasy – Kúlkeevtіń qaramaǵynda іstegen tergeýshі Aıdyn Qanatov, ákіmdіk qyzmetkerі Nıkolaı Kım jáne kásіpker Alısher Aqataev sot aldynda jaýap bergen edі. Protsestіk prokýror bul іsterdі bіr protseste qaraýdy surady. Sot bul ótіnіshtі qanaǵattandyrdy.
Alaıda aıyptalýshynyń bіr qorǵaýshysy Almas Ábdáqasov tergeý barysynda qylmystyq іs júrgіzý zańnamasynyń óreskel buzylǵanyn aıtty.
"Qurmettі sot, men osy qylmystyq іster boıynsha qylmystyq quqyq buzýshylyqtardyń dáleldenbegenі jáne qylmystyq іs júrgіzý zańnamasynyń óreskel buzylǵany sebeptі іstі toqtatý týraly sheshіm shyǵarýyńyzdy suraımyn", – dedі Almas Ábdáqasov.