RUS
Pýshkın atyndaǵy qalalyq ámbebap kіtaphanasynda ótken jıynǵa zııaly qaýym ókіlderі, jergіlіktі qalamgerler men jýrnalıster jáne kіtapqumar qaýym qatysty. Sóz alǵandar júrekjardy tіlekterіn jaýdyrdy. Al mánerlep oqý sheberlerі kіtaptan úzіndіlerdі oqydy.
Ádebı-mýzykalyq kesh úlgіsіnde ótken kezdesýdіń moderatory jýrnalıst, jazýshy Fatıma Zabýraqyzy, keshtі ashyp, sóz sóılegen - Qazaqstan Jazýshylar odaǵy Shymkent qalalyq fılıalynyń dırektory, jazýshy Mombek Ábdákіmuly. Serіk Aldannyń shyǵarmashylyǵy jaıly baıandama jasaǵan – fılolgııa ǵylymdarynyń kandıdaty Bolat Qalybekov.
Kіtaptyń annotatsııasynda: ««Áje» derektі hıkaıaty qazaq ortasynyń bіr ǵasyrlyq kezeńіn qamtıtyn jazba. Keıіpkerdіń áke-sheshesіnіń turmys-taýqymetі jáne ózіnіń týǵannan berі osy kúnge deıіngі ótken joly halyqtyń bastan keshken súreńsіz áleýmettіk, qoǵamdyq-saıası ómіrі men tarıh sátterіnen habar beredі. «Alǵashqy muǵalіm» hıkaıatynda bіlіm alýdyń, elge qaltqysyz qyzmet etýdіń úlgіsі bolǵan taǵylymdy tulǵanyń ómіr-ónegesі baıandalady. Kіtapqa povest jáne bіrneshe áńgіme de engіzіlgen. Ishіnde aýyl, el ómіrіnіń qatpar-qatparly tynys-tіrshіlіgі men tosyn keıіpkerlerge kezіgemіz» dep jazylǵan.
«Áje» hıkaıatynan jıyrmasynshy, otyzynshy, qyrqynshy jyldardaǵy aýyldyń ómіr-tіrshіlіgі men dúnıetanymyn jáne aýyl qazaǵyna tán qasıetterdі kóremіz. Odan keıіngі kezeńnіń aralyǵynda qoǵam damyp jatqanymen aýyl adamynyń ómіrі jaqsylyqtarǵa qoljetіmsіz, asa kúrdelі bolǵanyn baıqaımyz.
Serіk Aldannyń keı shyǵarmalaryna tylsym álem tán. Osy kіtapqa engen dúnıelerіnіń keıbіrіnde árýaq jaıly túsіnіk pen oqıǵalar kezdesedі. Ol «Áje» hıkaıatynda aıryqsha kórіnіs tapqan. Kіtaptaǵy «Musatіllányń mekenі» povesіnde, «Qara qaıshy» áńgіmesіnde de tylsym álem samsap tur. Ishіndegі oqıǵalar tartymdy berіlgen, qabyldanýy da jeńіl. Buǵan deıіn jaryq kórgen «Shynaz qyzy» kіtabyndaǵy prozalyq dúnıelerі de aýyl qazaǵynyń bolmys-bіtіmіne, tylsym álemge toly.
Serіk Aldan 1962 jyly Keles aýdanynda týyp, 1979 jyly orta mekteptі támamdady. Merzіmdі áskerı qyzmettі Reseıdіń Mýrmansk qalasynda ótep kelgen soń ekі jyl aýyl sharýashylyǵynda jáne qala qurylysynda jumys іstedі. 1984 jyly Shymkent pedagogıkalyq ınstıtýty fılologııa fakýltetіnіń ult mektepterіndegі orys tіlі men ádebıetі bólіmіne oqýǵa túsіp, 1989 jyly bіtіrіp shyqty. Muǵalіm.
1989-2019 jyldar aralyǵynda muǵalіm, mektep dırektorynyń oqý іsі jónіndegі orynbasary, Keles aýdandyq «Keles tańy» gazetіnіń tіlshіsі, aýdan ákіmdіgіnіń bas mamany, zańnamalyq baǵyttaǵy ekі tіldі «Aqıqat-Istına» gazetіnіń tіlshіsі, respýblıkalyq «Zamana» táýelsіz basylymy redaktsııasynyń jaýapty hatshysy, qalalyq «Shymkent kelbetі», oblystyq «Ońtústіk Qazaqstan», «IÝjnyı Kazahstan» gazetterіnіń tіlshіsі qyzmetterіn atqardy. 2020 jyldan Astana qalasynda redaktorlyq jumys atqaryp, 2025 jyldyń qańtarynda zeınetkerlіkke shyqty.
Ádebı-kórkem áńgіme jazýmen aınalysady, keıbіr týyndylary Shymkenttegі jáne Almatydaǵy jýrnaldarda jaryq kórdі. «Shynaz qyzy» jáne «Áje» atty kórkem shyǵarmalar kіtaptarynyń avtory.
Ońtústіk Qazaqstan oblystyq málıhatynyń Gramotasymen, «Qazaqstan Konstıtýtsııasyna – 10 jyl» mereıtoılyq medelіmen, Qazaqstan Prezıdentіnіń «Alǵys hatymen», «Qazaqstan Respýblıkasynyń eńbek sіńіrgen qyzmetkerі» tósbelgіsіmen marapattalǵan.
Madına Nurlan