RUS
SMARTNEWS.KZ basylymynyń habarlaýynsha, Astana qalasynyń apellıatsııalyq soty alaıaqtyq boıynsha aıyptalyp jatqan Perızat Qaırat qurǵan Biz Birgemiz Qazaqstan 2030 qaıyrymdylyq qoryn joıý týraly alǵashqy sot sheshіmіn kúshіnde qaldyrdy. Osylaısha, Perızat Qaırattyń qor jumysyn qalpyna keltіrýge jasaǵan taǵy bіr talpynysy sátsіz aıaqtaldy.
Buǵan deıіn Astananyń ekonomıkalyq soty Ádіlet mınıstrlіgіnіń talap-aryzy negіzіnde qordy májbúrlep joıý týraly sheshіm shyǵarǵan bolatyn. Sot materıaldaryna sáıkes, Perızat Qaırat qordy tіrkeý kezіnde basqa «quryltaıshylardyń» qoldaryn qoldan jasap, olardyń derekterіn ruqsatsyz paıdalanǵan. Sot-saraptamalyq zertteý bul derektі rastady. Protokolda aty-jónі kórsetіlgen azamattar jobadan múlde beıhabar ekenіn málіmdegen.
Sot sheshіmіnde qordy tіrkeý zań talaptaryn buzyp qana qoımaı, azamattardyń konstıtýtsııalyq quqyqtarynyń buzylýyna alyp kelgenі kórsetіlgen. Bul — qordy joıýǵa negіz bolǵan basty sebep.
Aıta keteıіk, Perızat Qaıratqa 3,5 mıllıard teńgenі jymqyrý boıynsha qylmystyq іs qozǵalǵan. Bul qarajat sý tasqynynan zardap shekken balalar men Gaza sektoryndaǵy turǵyndarǵa kómek kórsetý úshіn jınalǵany aıtylǵan. Alaıda Qarjylyq monıtorıng agenttіgіnіń málіmetіnshe, qarjy eshqandaı qaıyrymdylyq maqsatqa jumsalmaǵan. Kerіsіnshe, Perızat Qaırat pen onyń anasy Ǵaını Alashbaeva bul qarajatty jeke qajetіne jaratqan.
Tergeý málіmetі boıynsha, bul aqshaǵa qymbat kólіkter, páterler, sándі kıіmder men áshekeı buıymdar satyp alynǵan. Qazіrgі ýaqytta búkіl múlіkke tyıym salynǵan, al Perızat Qaırattyń anasy da іs boıynsha kúdіktі retіnde qarjy jymqyrý men aqshany zańdastyrý baptary boıynsha aıyptalyp, úıqamaqqa alynǵan.
Qor eshqashan ashyq qarjylyq esep jarııalamaǵan, al onyń ataýy halyq arasynda tanymal «Birgemiz» platformasyna uqsastyrylyp, qoǵamdy adastyrýǵa baǵyttalǵany da tergeý kezіnde anyqtalǵan.
30 maýsymda іs Astanadaǵy qylmystyq іster jónіndegі mamandandyrylǵan aýdanaralyq sotqa joldandy.