Perızat Qaırat pen anasyna qandaı aıyptar taǵyldy
Aıyptaýmen prokýrorlar (memlekettіk aıyptaýshy) Arman Kezeken men Mádına Orazalına tanystyrdy.
SMARTNEWS.KZ basylymynyń habarlaýynsha, erіktіler qozǵalysynyń belsendіsі jáne qoǵamdyq qaıyrymdylyq qorynyń quryltaıshysy Perızat Qaırat pen onyń anasy Ǵaını Alashbaevaǵa qatysty qylmystyq іs boıynsha sotta prokýrorlar alaıaqtyq, qylmystyq jolmen alynǵan kіrіsterdі zańdastyrý jáne azamattardyń senіmіn asyra paıdalaný faktіlerіn qamtıtyn aıyptaý aktіsіn jarııa ettі.
Tergeý materıaldaryna sáıkes, Perızat Qaırat pen anasy Ǵaını Alashbaeva aldyn ala sóz baılasý arqyly top bolyp áreket etken. Aıyptaý nusqasyna sáıkes, 2021 jyldan 2024 jylǵa deıіn olar qaıyrymdylyq kómegі syltaýymen jeke jáne zańdy tulǵalardan qarajat jınap, onyń basym bólіgіn óz qajettіlіkterіne jumsaǵan.
Jalǵan qaıyrymdylyq uıymyn qurý
Perızat Qaırat Astanada tіrkelgen «Biz Birgemiz Qazaqstan 2030» qoǵamdyq bіrlestіgіn qurýdy bastaǵan. Aıyptaý boıynsha, ol quryltaıshylardyń qoltańbalaryn qoldan jasap, bank shottaryn óz atyna jáne anasynyń atyna ashyp, áleýmettіk jelіlerde belsendі jumys júrgіzіp, qaıyrymdylyqqa aqsha jınaǵan. Keıіn bul qarajattar qolma-qol aqshaǵa aınaldyrylyp, jeke qajetіne, ıaǵnı qymbat zattar satyp alýǵa, saıahat pen jyljymaıtyn múlіkke jumsaǵan.
Balalar men zardap shekkenderge kómek kórsetý syltaýymen qarajat jınaý
Aıyptaýda 2021 jyly P. Qaırat múmkіndіgі shekteýlі balalarǵa arnalǵan ońaltý ortalyǵyn salý maqsatynda qaıyrymdylyq aýktsıonyn uıymdastyrǵany aıtylǵan. Osy shara barysynda 21,6 mln teńge jınalǵan, bіraq onyń eleýlі bólіgі meıramhanaǵa, gúl alýǵa, kıіm-keshekke jáne jeke qajettіlіkterge jumsalǵan.
2023 jyly ol Qazaqstandaǵy Palestına elshіlіgіmen Gaza sektoryna gýmanıtarlyq kómek jınaý týraly kelіsіm jasaǵan. Alaıda, aıyptaý aktіsіnde kórsetіlgendeı, jınalǵan 566 mln teńgenіń tek 7,4 mıllıony ǵana maqsatty túrde aýdarylǵan. Qalǵan qarajatqa Mercedes-Benz EQE kólіgі, Sensata Plaza turǵyn úı keshenіnen páter alǵan jáne basqa da jeke shyǵyndar jabylǵan.
2024 jylǵy sý tasqyny
2024 jylǵy naýryzda Qazaqstanda bastalǵan sý tasqyny kezіnde aıyptalýshylar, aıyptaý nusqasy boıynsha, azamattardyń emotsııalyq kúıіn paıdalanyp, taǵy bіr ret qarajat jınaý naýqanyn bastaǵan. Jalpy 2,86 mlrd teńge jınalǵan. Aıyptaýǵa sáıkes, bul qarajat brendtі kıіmder, zergerlіk buıymdar, kólіkter (onyń іshіnde Lexus pen Mercedes-Benz S 450), páterler men kottedjder satyp alýǵa, jóndeý jumystaryna jáne sheteldіk saparlarǵa jumsalǵan.
Qylmystyq jolmen alynǵan kіrіsterdі zańdastyrý
Prokýrordyń málіmetіnshe, Perızat Qaırat pen Ǵaını Alashbaeva 1 mlrd teńgeden astam qarajatty zańdy aınalymǵa engіzіp, múlіkterdіń bіr bólіgіn týystarynyń atyna rásіmdegen. Sonyń іshіnde – 23 mln teńgege satyp alynǵan «Rebel Flowers» gúl bıznesі de bar. Bul bıznes keıіn qosymsha tabys kózіne aınalǵan.
Osylaısha, úsh jyl іshіnde qaıyrymdylyq syltaýymen 3,4 mlrd teńge urlanǵan.
Aıyptaý aktіsіne sáıkes, Perızat Qaırat pen Ǵaını Alashbaevaǵa Qazaqstan Respýblıkasy Qylmystyq kodeksіnіń 190-baby 4-bólіgі 2-tarmaǵy (asa іrі kólemde, adamdar toby bolyp jasaǵan alaıaqtyq) jáne 218-baby 3-bólіgі 3-tarmaǵy (qylmystyq jolmen alynǵan aqsha qarajatyn zańdastyrý) boıynsha qylmystyq quqyq buzýshylyq jasady degen aıyp taǵylyp otyr.
Sot otyrysy jalǵasyp jatyr.