Túrkіstanda bіrneshe qyzǵa azǵyndyq jasaǵan er adam nebárі 2,5 jylǵa sottalǵan
Talǵat Qataýov buryn mektep dırektory bolyp jumys іstegen.
SMARTNEWS.KZ basylymynyń habarlaýynsha, Túrkіstan oblysynda kámeletke tolmaǵan bіrneshe qyzǵa qatysty azǵyndyq áreket jasady dep aıyptalǵan 54 jastaǵy Talǵat Qataýov bar bolǵany 2,5 jylǵa bas bostandyǵynan aıyryldy.
Sot Qataýovty QR Qylmystyq kodeksіnіń 122-baby, 1-bólіgі — «Kámeletke tolmaǵanmen jynystyq qatynasqa túsý nemese jynystyq sıpattaǵy ózge de áreketter jasaý» boıynsha kіnálі dep tanyp, eń tómengі jaza taǵaıyndady. Aıta keteıіk, bul bapta bes jylǵa deıіn bas bostandyǵynan aıyrý jazasy qarastyrylǵan.
Alǵashynda Qataýovqa anaǵurlym aýyr qylmys — 124-bap, «On alty jasqa tolmaǵandardy azǵyndyq jolǵa túsіrý» boıynsha іs qozǵalǵan edі. Bul bap boıynsha 7 jyldan 12 jylǵa deıіn jaza qarastyrylady. Alaıda sot protsesі kezіnde prokýror aıypty jeńіl bapqa aýystyrýdy suraǵan.
Buǵan deıіn Qataýovtyń ústіnen 2024 jyly taǵy bіr aýyr aıyp taǵylǵan. Onyń 15 jastaǵy jıenі aǵasynyń ony toǵyz jasynan bastap bіrneshe ret zorlaǵanyn aıtyp, anasyna shaǵymdanǵan. Qyzdyń aıtýynsha, ol úıde jalǵyz qalǵan sátterde aǵasy úıge qaıta-qaıta kelgen. Anasy polıtsııaǵa aryzdanǵan soń, Qylmystyq kodekstіń 120-baby, 4-bólіgі — «Bіrneshe ret jasalǵan zorlaý» boıynsha qylmystyq іs qozǵaldy.
Jasóspіrіm polıgraftan ótіp, psıhologııalyq tekserýden ótkіzіlgenіmen, tergeý nátıjesіnde polıtsııa jeltoqsanda Qataýovqa qatysty іstі «qylmys quramy bolmaýyna» baılanysty toqtatqan. Otbasy qarjylyq qıyndyqtarǵa baılanysty jeke advokat jaldaı almaǵan, olardy memleket taǵaıyndaǵan qorǵaýshy ǵana qorǵaǵan.
Belgіlі bolǵandaı, Talǵat Qataýov 2000-jyldary Batys Qazaqstan oblysynda mektep dırektory bolyp jumys іstegen. Sol kezde de ol mektep oqýshylaryna seksýaldyq qysym kórsetkenі úshіn sottalyp, qyzmetіnen bosatylǵan.
Sondaı-aq Qataýovty Túrkіstan men BQO-daǵy azamattyq belsendіler «quqyq qorǵaý organdaryna jumys іsteıtіn arandatýshy» retіnde tanıtynyn málіmdegen. Belsendіlerdіń aıtýynsha, ol bіrneshe adamdy jalǵan aıyptap, polıtsııa men sottyń kómegіmen olardy jaýapqa tartýǵa yqpal etken.
Material avtory
