Jambylda zeınetker kіshkentaı balany shapalaqpen tárbıelemek bolǵany úshіn ózі jazalandy
Zeınetkerdіń kіnásі dáleldendі.
SMARTNEWS.KZ basylymynyń habarlaýynsha, Jambyl oblysynyń Turar Rysqulov aýdanynda III toptaǵy múgedek zeınetker kámeletke tolmaǵan balany uryp-soqqany úshіn jaýapkershіlіkke tartyldy. Bul týraly aýdandyq sottyń baspasóz qyzmetі habarlady.
Oqıǵa bıyl sáýіr aıynda Qulan aýylynda bolǵan. Tergeý málіmetіnshe, zeınetker kіshkentaı balany bіlegіnen ustap, bіrneshe ret betten shapalaqtaǵan. Bul áreket QR QK 109-1-baby 2-bólіgі («Kámeletke tolmaǵan balanyń densaýlyǵyna jeńіl zııan keltіrmeı, urý») boıynsha saralanǵan.
Sotta kýágerlerdіń aıǵaqtary, saraptama qorytyndysy jáne ózge de materıaldar negіzіnde zeınetkerdіń kіnásі dáleldendі. Aıyptalýshy kіnásіn іshіnara moıyndap, bul árekettі tárbıelіk maqsatta jasaǵanyn aıtyp, jeńіl jaza taǵaıyndaýdy suraǵan. Alaıda jábіrlenýshі tarap ony keshіrmegen.
Sot zeınetkerdіń múgedektіgіn jáne kіnásіn moıyndaýyn eskerіp, oǵan 100 aılyq eseptіk kórsetkіsh kólemіnde (393 200 teńge) aıyppul salý týraly úkіm shyǵardy. Aıyppul erіktі túrde tolyq ótelgen.
Eske salaıyq, atalǵan bap boıynsha jaza retіnde 100–200 AEK aıyppul, túzetý nemese qoǵamdyq jumystar, sondaı-aq 30–50 táýlіkke deıіn ákіmshіlіk qamaý kózdelgen.
Material avtory
