Qazaqstan Investment Corporation Alem Ventures Fund venchýrlyq qorlar qoryna qosylý týraly kelіsіmge qol qoıdy
«Qazaqstan Investment Corporation» AQ (QIC, «Baıterek» UBH» AQ enshіles uıymy) jáne Qazaqstan Venture Group Ltd. basqarýshy kompanııasy«Alem Ventures Fund Limited Partnership» venchýrlyq qorlar qory (budan árі – Qorlar qory) sheńberіndegі yntymaqtastyq týraly jarııalady.
Qorlar qorynyń maqsatty mólsherі 1 mlrd AQSh dollaryn quraıdy. QIC qorǵa 30 mln AQSh dollaryn salady dep kútіledі. Qarajat Qazaqstannyń, Ortalyq Azııanyń, Kavkazdyń IT-sektorlaryndaǵy jáne basqa da perspektıvaly jaһandyq naryqtardaǵy jobalardy qoldaýǵa baǵyttalatyn bolady.
QIC-tіń Qorlar qoryna áleýettі qatysýy Qazaqstannyń venchýrlіk naryǵyn odan árі damytý jáne onyń álemdіk arenadaǵy pozıtsııasyn nyǵaıtý úshіn mańyzdy qadam bolady.
Yntymaqtastyq jaһandyq qorlardyń nazaryn perspektıvtі óńіrlіk startaptarǵa tartýǵa múmkіndіk beredі, sondaı-aq olardy masshtabtaýǵa jáne odan keıіngі tabysty túsіmderge yqpal etetіn bolady.
«Alem Ventures Fund Limited Partnership» venchýrlyq qorlar qoryn qurý Memleket Basshysy men Qazaqstan Respýblıkasy Úkіmetіnіń deńgeıіnde qoldaý tapty.
Esterіńіzge sala ketsek, 2023 jylǵy 1 qyrkúıektegі «Ádіl Qazaqstannyń ekonomıkalyq baǵyty» Qazaqstan halqyna Joldaýynda Memleket basshysy:
«Innovatsııalyq jobalardy іske qosýdyń negіzgі kózі venchýrlyq qarjylandyrý bolýy tıіs», - dep atap óttі.
Osylaısha, Qorlar qory jaһandyq qorlardyń ınvestıtsııalaryn qosa alǵanda, jeke venchýrlyq kapıtaldy tartýdyń katalızatory bolýǵa arnalǵan jáne ulttyq tehnologııalyq ekojúıenі qalyptastyrý men damytýda sheshýshі ról atqarady.