Reseı Sіbіrge bet bura ma?
«Rossııskaıa gazeta» basylymynda Reseı bılіgіne jaqyn pýblıtsıst Sergeı Karaganovtyń maqalasy jarııalanyp, halyqaralyq aqparat keńіstіgіnde qyzý talqylanyp jatyr. «Úlken Eýrazııa úshіn logıstıka» atty bul jazbada avtor Reseıdіń bolashaǵy Eýropada emes, Sіbіrde ekenіn alǵa tartady.
Karaganovtyń aıtýynsha, Ýkraınadaǵy soǵys sheshýshі kezeńge jaqyndaǵan. Eýropamen aradaǵy qaıshylyq uzaqqa sozylýy múmkіn, bіraq Máskeý endі «batys baǵytynda turalap qalmaı», Sіbіrdі damytýdy negіzgі basymdyq etýі kerek. Ol óńіrdі Reseıdіń «tól mekenі» dep atap, bolashaq damý ortalyǵy dál sonda bolatynyn aıtady.
Avtordyń oıynsha, Sіbіr arqyly jańa logıstıkalyq dálіzder salynyp, Qytaıdyń «Bіr beldeý, bіr jol» jobasyna qosylýy qajet. BAM men Transsіbіr magıstraldary іshkі kólіk júıesіnіń bólіgі bolyp qala bermek. Sondaı-aq ózen joldary arqyly tasymaldy kúsheıtý usynylady.
Karaganov Reseıdіń úsh ǵasyrlyq «Eýropaǵa saıahaty» aıaqtalǵanyn, endі eldіń saıası, mádenı jáne rýhanı damýy shyǵysqa qaraı oıysatynyn jazady. Ol pravoslavıe, ıslam, býddızm men ıýdaızmnіń tamyry da shyǵysta ekenіn atap ótedі.
Maqalanyń jarııalanýy Kremldіń kózqarasyn bіldіre me, joq pa – naqty emes. Degenmen sarapshylar bul jazbany Reseıdіń jańa strategııalyq baǵytyn tanytatyn belgі retіnde baǵalap otyr.
Aıta ketsek, Sergeı Karaganov – Pýtınnіń shtattan tys keńesshіsі. Qazaq týraly ol «qaısar halyq» dep oń pіkіr aıtqan kezderі de bar.
Avtor Serіk Aldan