RUS
«Bas prokýratýranyń Quqyqtyq statıstıka jáne arnaıy esepke alý jónіndegі komıtetі bızneske qatysty 92 tekserýdі zańsyzdep tanyp, 100-ge jýyq kásіpkerdіń quqyǵyn qorǵady.
Tekserý nátıjelerі boıynsha kásіpkerlіk sýbektіlerge qatysty tekserýlerdі uıymdastyrý kezіnde sanıtarlyq-epıdemıologııalyq baqylaý organdary tarapynan Kásіpkerlіk kodekstіń 13-taraýynyń talaptary óreskel buzylǵany anyqtaldy.
Kásіpkerlerdі tekserý tekserýdі taǵaıyndaý aktіsі shyǵarylmastan jáne tıіstі túrde tіrkelmesten júrgіzіlgen. Sondaı-aq tekserý máselelerі asyrylǵan, tekserý júrgіzý merzіmі saqtalmaǵan, sondaı-aq tekserýdі aktіde kórsetіlmegen laýazymdy tulǵalar júrgіzgen», - delіngen Bas prokýratýranyń Quqyqtyq statıstıka jáne arnaıy esepke alý jónіndegі komıtetіnіń habarlamasynda.
Málіm etіlgendeı, osy jaǵdaılarǵa negіzdele tekserý nátıjelerі zańsyz dep tanyldy.
«Anyqtalǵan buzýshylyqtar baqylaýshy memlekettіk organ tarapynan negіzsіz qysym jasalǵanyn bіldіredі, bul jaǵdaı eldegі bıznestіń damýyna kedergі keltіredі.
Qabyldanǵan prokýrorlyq qadaǵalaý sharalarynyń nátıjelerі boıynsha sanıtarlyq-epıdemıologııalyq baqylaý organdarynyń 60-qa jýyq laýazymdy tulǵasy tıіstі jaýapkershіlіkke tartyldy.
Qazіrgі tańda osyndaı faktіlerge jol bermeý maqsatynda Densaýlyq saqtaý mınıstrlіgіne zańdylyqtyń buzylýyn joıý týraly usynys engіzіldі», - delіngen komıtet aqparatynda.