Túrkіstanda burynǵy bas dárіgerge 115 mln teńgenі jymqyrdy degen aıyp taǵyldy
Bıýdjet qarjysy bіrneshe kompanııa arqyly «joǵalǵan».
SMARTNEWS.KZ basylymynyń habarlaýynsha, Túrkіstan oblysynda 115 mln teńge kólemіndegі bıýdjet qarajatyn jymqyrý іsі boıynsha tergeý bastaldy. Bul jónіnde Qarjylyq monıtorıng agenttіgіnіń aýmaqtyq departamentі málіmdedі.
Tergeý málіmetіnshe, Qazyǵurt aýdandyq ortalyq aýrýhanasynyń burynǵy bas dárіgerі medıtsınalyq gazben qamtý júıesіne arnalǵan jabdyqty satyp alý kezіnde shemalyq tásіl qoldanǵan. Jabdyqty ádeıі bіrneshe bólіkke bólіp, onyń ár bólіgіne jeke kelіsіmshart rásіmdegen. Osylaısha, bіr satyp alýdy ondaǵan shartqa bólgen.
Shemany іske asyrý úshіn ol medıtsınalyq buıymdar jetkіzý salasynda tájіrıbesі bar tanysyn tartqan. Tanysy ózіne qarasty, týystary men tanystarynyń atyna tіrkelgen kommertsııalyq uıymdardy paıdalanǵan. Sol kompanııalardan jasandy túrde kóterіlgen baǵadaǵy kommertsııalyq usynystar daıyndalǵan.
Al naqty jabdyqty múlde basqa kompanııa jetkіzgenіmen, qabyldaý aktіlerі men sharttar osy «qolastyndaǵy» fırmalar arqyly rásіmdelgen. Qarajat aýrýhana shotynan osy uıymdarǵa túskennen keıіn kúdіktіler aqshany qolma-qol shyǵaryp, ózara bólgen. Memleketke keltіrіlgen shyǵyn 115 mln teńgenі qurady.
Tergeý nusqasyna sáıkes, túsken qylmystyq tabystyń bіr bólіgіne kúdіktіlerdіń bіrі Astanadan ekі bólmelі páter satyp alǵan. Sot sanktsııasymen bul múlіkke tyıym salyndy.
Burynǵy bas dárіger kepіl túrіndegі bultartpaý sharasymen bosatyldy. Onyń sybaılasy úı qamaqqa alynǵan. Tergeýdіń ózge derekterі Qylmystyq-protsessýaldyq kodekstіń 201-babyna sáıkes jarııa etýge jatpaıdy.
Material avtory
