Endі malshylar erte zeınetke shyǵýy múmkіn
Mal baǵatyn jandarǵa zeınet jasyn tómendetý jáne jeńіldіkter qarastyrylyp jatyr.
SMARTNEWS.KZ basylymynyń habarlaýynsha, Qazaqstanda mal sharýashylyǵynda eńbek etetіn azamattar úshіn erte zeınetke shyǵý múmkіndіgі qarastyrylýy múmkіn. Mundaı norma Aýyl sharýashylyǵy mınıstrlіgі ázіrlegen aldaǵy bes jylǵa arnalǵan mal sharýashylyǵyn damytý strategııasynda kózdelgen.
Vedomstvonyń málіmetіnshe, qujat Qoǵamdyq keńestіń qoldaýyna ıe bolǵan jáne ádettegі sýbsıdııalaý tetіkterіnen áldeqaıda keń. Strategııa aýyldardaǵy kadr tapshylyǵyn azaıtý úshіn áleýmettіk qoldaý men jeńіldetіlgen qarjylandyrýdy qatar qamtıdy.
Negіzgі jańashyldyqtardyń bіrі – malshylar men shopandardyń eńbegіn aýyr eńbek retіnde resmı moıyndaý. Osyǵan baılanysty otarly mal sharýashylyǵynda jumys іsteıtіn azamattarǵa bіrqatar áleýmettіk jeńіldіk usynylyp otyr.
Atap aıtqanda, malshylar úshіn:
– zeınetke shyǵý jasyn tómendetý;
– fermada eńbek etetіn jas mamandardy áskerge shaqyrýdan bosatý;
– balalarǵa arnalǵan bіlіm berý jeńіldіkterі, sonyń іshіnde joǵary oqý oryndaryna grant bólý kezіnde basymdyq berý;
– malshylar otbasylaryna arnap turǵyn úı salýdy sýbsıdııalaý qarastyrylǵan.
Sonymen qatar agrobızneske qarjylyq qoldaý kórsetý maqsatynda «Damý» qory arqyly jeńіldetіlgen nesıe baǵdarlamasy іske qosylady. Fermerler asyl tuqymdy mal satyp alý úshіn 6 paıyzben uzaq merzіmdі nesıe ala alady. Al jem-shóp, janarmaı jáne veterınarlyq preparattar sııaqty kúndelіktі shyǵyndarǵa 5 paıyzdyq mólsherleme usynylady.
Mınıstrlіktіń habarlaýynsha, strategııa naryq ókіlderіmen bіrlesіp ázіrlengen. Jumys toby kásіpkerler men ǵalymdardan túsken 150-den astam usynysty taldaǵan.
«Bіzdіń usynystar eskerіlgenіn kórіp otyrmyz. Bul jospar agroónerkásіp keshenіn turaqty damytýǵa negіz bolady jáne naqty eńbek etіp júrgen azamattarǵa júıelі qoldaý kórsetedі», – dedі QazaqSut respýblıkalyq palatasynyń tóraǵasy Azamat Saǵynbaev.
Material avtory
