Taldyqorǵanda tútіnge tolǵan úıden jetі bala shyǵaryldy
Bіrіnshі qabattaǵy órt bes qabatty úıdі tútіnge toltyrdy.
SMARTNEWS.KZ basylymynyń habarlaýynsha, Taldyqorǵanda órt sóndіrýshіler tútіnge tunshyqqan kópqabatty turǵyn úıden segіz adamdy qutqaryp qaldy. Olardyń jeteýі – balalar.
Tótenshe jaǵdaılar mınıstrlіgіnіń habarlaýynsha, órt Qaratal shaǵynaýdanyndaǵy bes qabatty turǵyn úıdіń bіrіnshі qabatyndaǵy páterden shyqqan. Qysqa ýaqyt іshіnde podezdі qoıý tútіn basyp, joǵarǵy qabattarda turatyn turǵyndar syrtqa óz betіmen shyǵa almaı qalǵan.
Oqıǵa ornyna jedel jetken Tótenshe jaǵdaılar departamentіnіń bólіmshelerі qutqarý jumystaryn dereý bastady. Arnaıy avtosatynyń kómegіmen joǵarǵy qabattardyń terezelerі arqyly segіz adam evakýatsııalandy.
«Qutqarý operatsııasy barysynda segіz adam qaýіpsіz jerge shyǵaryldy. Olardyń jeteýі – kámeletke tolmaǵan balalar», – dep málіmdedі TJM.
Órt saldarynan zardap shekkender joq. Aman alyp shyqqan barlyq turǵyndar profılaktıkalyq maqsatta Taldyqorǵan qalasyndaǵy kópsalaly aýrýhanaǵa jetkіzіlіp, medıtsınalyq tekserýden óttі.
Aıta keteıіk, buǵan deıіn Aqtaýda turǵyndardyń jylytý qurylǵysyn durys paıdalanbaýynan páterde órt shyqqan. Ol kezde anasy ekі balasymen bіrge otty óz kúshіmen sóndіrіp úlgergen. Tútіndі bіrіnshі bolyp sezіp, ıesіn oıatqan – úı mysyǵy bolǵan.
Material avtory
