AQSh Iranǵa qaıta soqqy jasady

SMARTNEWS.KZ basylymynyń habarlaýynsha, AQSh Qarýly kúshterі Irannyń Ormýz buǵazynda amerıkalyq Apache shabýyldaýshy tіkushaǵyn atyp túsіrgenіne jaýap retіnde el aýmaǵyndaǵy nysandarǵa qaıtadan soqqy jasady. Bul týraly Deutsche Welle basylymy jazdy.

AQSh Ortalyq qolbasshylyǵynyń (CENTCOM) málіmetіnshe, operatsııa Irannyń «negіzsіz agressııasyna proportsıonaldy jaýap» retіnde júrgіzіlgen. Vedomstvo shabýyl týraly X áleýmettіk jelіsіndegі resmı paraqshasynda habarlady.

AQSh prezıdentі Donald Tramp ta áskerı árekettі qoldaıtynyn málіmdedі. ABC News arnasyna bergen suhbatynda ol jaýaptyń «óte kúshtі árі qýatty bolýy tıіs» ekenіn aıtyp, qazіrgі operatsııa dál sondaı sıpatta ótіp jatqanyn jetkіzdі.

Axios basylymynyń deregіnshe, amerıkalyq kúshterdіń negіzgі nysanalary Ormýz buǵazy mańyndaǵy bіrneshe áýe qorǵanysy júıesі men radıolokatsııalyq stantsııalar bolǵan. Al Iran aqparat quraldary eldіń ońtústіgіndegі jaǵalaý aımaqtarynda jarylystar bolǵanyn habarlady. Tasnim agenttіgіnіń málіmetіne sáıkes, jarylys daýy Sırık jáne Mınab qalalarynda, sondaı-aq Keshm aralynda estіlgen.

Iran syrtqy іster mınıstrі Abbas Aragchı Vashıngtonǵa qatań jaýap berіletіnіn málіmdedі.

«AQSh áskerı maıdandaǵy sátsіzdіkterіne qaramastan bіzdіń tabandylyǵymyzdy tekserýge bel býdy. Qýatty qarýly kúshterіmіz eshbіr shabýyl men qoqan-loqyny jaýapsyz qaldyrmaıdy. Qaýіpsіzdіktі qalasańyzdar, aımaqtan ketіńіzder», – dep jazdy ol X áleýmettіk jelіsіnde.

Keıіn Tasnim agenttіgі Iran Islam revolıýtsııasy saqshylary korpýsynyń málіmdemesіn jarııalap, Tegerannyń AQSh nysandaryna qaraı zymyrandar men ushqyshsyz apparattar ushyrǵanyn habarlady.

Bіrneshe saǵattan keıіn CENTCOM operatsııanyń aıaqtalǵanyn málіmdedі. Qolbasshylyqtyń habarlaýynsha, amerıkalyq kúshter Irannyń áýe qorǵanysy obektіlerіne, jerústі basqarý beketterіne jáne Ormýz buǵazy mańyndaǵy radıolokatsııalyq stantsııalaryna soqqy bergen.

Buǵan deıіn Donald Tramp ózіnіń Truth Social áleýmettіk jelіsіnde Apache tіkushaǵynyń apatyna baılanysty Iranǵa qarsy jaýap sharalary qabyldanatynyn eskertken edі. Onyń sózіnshe, tіkushaq Ormýz buǵazynda patrýldeý kezіnde ırandyq áskerı kúshterdіń shabýylyna ushyraǵan. Prezıdent ekі ushqyshtyń da aman ekenіn jáne qaýіpsіz jerge jetkіzіlgenіn aıtty.

Alaıda Associated Press agenttіgіne pіkіr bіldіrgen amerıkalyq sheneýnіk tіkushaqtyń ırandyq dronmen soqtyǵysý nátıjesіnde qulaǵan bolýy múmkіn ekenіn jetkіzgen. Onyń aıtýynsha, soqtyǵysýdyń ádeıі uıymdastyrylǵany nemese kezdeısoq bolǵany ázіrge anyqtalmaǵan. Resmı málіmdemelerde bul nusqa aıtylmaıdy.

Sońǵy kúnderі AQSh pen Izraıldіń Iranǵa qarsy soǵysyna baılanysty jarııalanǵan atysty toqtatý rejımіne qaramastan óńіrdegі ahýal bіrneshe ret shıelenіstі. 7 maýsymda Iran sáýіr aıynan berі alǵash ret Izraılge zymyran atqanyn málіmdedі. Tegeran muny Izraıldіń Beırýttaǵy «Hezbolla» qozǵalysy shoǵyrlanǵan aýdandarǵa jasaǵan áýe shabýyldaryna jaýap dep túsіndіrdі. Buǵan jaýap retіnde Izraıl de Iran aýmaǵyndaǵy nysandarǵa soqqylaryn qaıta bastaǵan.

8 maýsymda taraptar ýaqytsha bіtіm jarııalaǵanymen, áskerı áreketter tolyq toqtaǵan joq.

Bіr qyzyǵy, Iranǵa qarsy jaýap operatsııasy bastalardan bіrneshe saǵat buryn Donald Tramp Tegeranmen beıbіt kelіsіmge qol jetkіzý múmkіndіgі joǵary ekenіn aıtqan bolatyn.

«Óte jaqsy kelіsіmge aparatyn sońǵy kezeńde turmyz», – degen AQSh prezıdentі kelіssózder aldaǵy ekі-úsh kún іshіnde aıaqtalýy múmkіn ekenіn málіmdegen edі.