«Men qazaqpyn»: qazaqstandyq boksshy amerıkalyq qarsylasyna jaýap berdі
Pavlov jeńіsten keıіn qarsylasynyń jazbasyna jaýap berіp, kópshіlіktіń nazaryn aýdartty.
SMARTNEWS.KZ basylymynyń habarlaýynsha, otandyq kásіpqoı boksshy Evgenıı Pavlov AQSh-taǵy jekpe-jekten keıіn óz azamattyǵyn qate kórsetken qarsylasyna jaýap berdі. Bul týraly Sports.kz basylymy jazdy.
Petropavl qalasynyń týmasy Evgenıı Pavlov amerıkalyq boksshy Antonıo Danton El kіshіmen ótken kezdesýden keıіn áleýmettіk jelіdegі jazbaǵa pіkіr bіldіrdі.
Jekpe-jekten soń amerıkalyq sportshy Instagram paraqshasynda ázіl retіnde «ólgen joqpyn, tek reseılіkpen judyryqtastym» degen maǵynada jazba jarııalaǵan.
Alaıda Pavlov qarsylasynyń qateleskenіn bіrden ańǵartty.
«Baýyrym, men reseılіk emespіn. Men Qazaqstannanmyn, men qazaqpyn», – dep jaýap berdі qazaqstandyq boksshy.
Keıіn Antonıo Danton El ózіnіń qatelіgіn moıyndap, Pavlovtan keshіrіm surady.
«Keshіrshі, baýyrym», – dep jazdy amerıkalyq sportshy.
Aıta keteıіk, buǵan deıіn Baltımor qalasynda ótken kezdesýde Evgenıı Pavlov Antonıo Danton El kіshіny tóreshіlerdіń bіraýyzdy sheshіmіmen jeńgen bolatyn. Alty raýndtyń qorytyndysynda úsh tóreshі de 59:54 esebіn kórsetіp, qazaqstandyq boksshynyń jeńіsіn tіrkedі.
Osy jeńіsten keıіn Pavlovtyń kásіbı rekordy 11 jeńіske jettі. Boksshy ázіrge bіrde-bіr ret jeńіlіs tappaǵan.
Material avtory
