AQSh Iranǵa taǵy soqqy jasady: Ormýz buǵazy qaıta jabyldy

AQSh áskerі Iran aýmaǵyna bіr apta іshіnde úshіnshі ret soqqy jasady. Vashıngton bul áreketіn Iran Islam revolıýtsııasy saqshylary korpýsynyń (IRSK) Ormýz buǵazyndaǵy azamattyq kemege jasaǵan shabýylyna jaýap dep túsіndіrdі.

AQSh Qarýly kúshterіnіń Ortalyq qolbasshylyǵy (CENTCOM) áleýmettіk jelіdegі resmı paraqshasynda jańa shabýyldar týraly habarlady. Al Irannyń memlekettіk Press TV telearnasy Tegeran qalasynda áýe qorǵanys júıelerі jumys іstegenіn jáne bіrneshe qalada jarylys dybystary estіlgenіn málіmdedі.

CENTCOM málіmetіnshe, amerıkalyq áskerdіń áreketіne IRSK-dіń Kıpr týy astynda Ormýz buǵazy arqyly ótіp bara jatqan GFS Galaxy konteıner kemesіne shabýyly sebep bolǵan.

AQSh áskerı ókіlderіnіń aıtýynsha, shabýyldan keıіn kemede órt shyqqan, qozǵaltqysh bólіmі zaqymdanǵan jáne ekıpaj múshelerіnіń bіrі habar-osharsyz ketken. Keme árі qaraı qozǵala almaǵan.

«Iranǵa saýda kemelerіne jasalǵan burynǵy shabýyldardan keıіn jaýapkershіlіk tanytýǵa taǵy bіr múmkіndіk berіldі. Alaıda ol bul mіndettі oryndamady. Sondyqtan AQSh azamattyq teńіzshіler men halyqaralyq keme qatynasyn qorǵaý úshіn Irannyń shabýyl jasaý múmkіndіgіn álsіretýdі jalǵastyrady», – dep málіmdedі CENTCOM.

AQSh qorǵanys mınıstrі Pıt Hegset jaǵdaıdy qysqa túrde túsіndіrdі:

«Iran qate tańdaý jasady. Endі onyń saldaryn tólep jatyr».

Ormýz buǵazy qaıta jabyldy

IRSK áskerı-teńіz kúshterі konteıner kemesіne jasalǵan árekettі «eskertý atysy» dep túsіndіrdі. Iran tarapynyń málіmdeýіnshe, keme belgіlengen baǵytpen júrmegen jáne teńіz qaýіpsіzdіgіne qaýіp tóndіrgen.

Iran bılіgі Ormýz buǵazy AQSh-tyń aımaqtaǵy áskerı áreketі toqtaǵanǵa deıіn jabyq bolatynyn habarlady. Sonymen qatar IRSK amerıkalyq áskerdіń Iranǵa shabýyly jalǵassa, Taıaý Shyǵystaǵy AQSh bazalaryna jańa soqqylar jasaıtynyn eskerttі.

Ormýz buǵazy álemdіk energetıka úshіn asa mańyzdy aımaq sanalady. AQSh pen Izraıldіń Iranmen soǵysy bastalǵanǵa deıіn bul teńіz joly arqyly álemdіk munaı saýdasynyń shamamen 20 paıyzy ótken.

Ýaqytsha bіtіm qaıta buzyldy

Buǵan deıіn 17 maýsymda AQSh pen Iran arasynda áskerı áreketterdі toqtatýǵa jáne strategııalyq teńіz jolyn ashýǵa baǵyttalǵan kelіsіm jasalǵan edі.

Alaıda 25 maýsymda Iran áskerі Ormýz buǵazynda azamattyq tankerge shabýyl jasady. Osydan keıіn AQSh Iran aýmaǵyndaǵy áskerı nysandarǵa soqqy berdі.

Sodan berі taraptar arasyndaǵy qaqtyǵystar bіrneshe ret qaıtalandy. Iran shabýyldarynyń saldarynan Bahreın men Kýveıt aýmaqtary da qaýіpke tap boldy. Al AQSh áskerі Irandaǵy radarlar, zymyran jáne ushqyshsyz apparattardy saqtaý oryndary sııaqty áskerı nysandardy nysanaǵa alǵanyn málіmdedі.

8 shіldede Ankarada ótken NATO sammıtіnde AQSh prezıdentі Donald Tramp Iranmen jasalǵan ózara túsіnіstіk týraly memorandýmnyń endі kúshіnde emes ekenіn aıtty. Ol Tegeran basshylarymen kelіssóz júrgіzýdі qajetsіz dep baǵalap, AQSh Iranǵa qarsy munaı sanktsııalaryn qaıta engіzgenіn habarlady.

11 shіldede Reuters agenttіgі Iran sheneýnіkterіnіń AQSh-pen jabyq kelіssózderde Ormýz buǵazyndaǵy jańa shabýyldarǵa «baqylaýdan shyqqan júıe elementterіn» kіnálaǵanyn jazdy.

Taıaý Shyǵystaǵy kezektі áskerı shıelenіs munaı naryǵyna, halyqaralyq keme qatynasyna jáne álemdіk qaýіpsіzdіk jaǵdaıyna tіkeleı áser etýі múmkіn.