Qazaqstanda aınalymy 7,5 mlrd teńgege jetken onlaın-kazınonyń joly kesіldі
Grýzııadan basqarylǵan zańsyz kazıno іsі tergelіp jatyr.
SMARTNEWS.KZ basylymynyń habarlaýynsha, Soltústіk Qazaqstan oblysynda Qazaqstan aýmaǵynda zańsyz jumys іstegen Nomad Poker onlaın-kazınosynyń qyzmetі toqtatyldy. Tergeý málіmetіnshe, onyń jalpy aqsha aınalymy 7,5 mlrd teńgeden asqan. Bul týraly Qarjylyq monıtorıng agenttіgі jazdy.
QMA málіmetіnshe, Club GG Poker mobıldі qosymshasy negіzіnde qurylǵan zańsyz platformany Grýzııada júrgen Qazaqstan azamattary úılestіrіp otyrǵan. Mundaı shema uıymdastyrýshylardyń jeke basyn jasyrýǵa, qarjy aǵyndaryn baqylaýdy qıyndatýǵa jáne shetel azamattarynyń atyna rásіmdelgen bank shottary men baılanys quraldaryn paıdalanýǵa múmkіndіk bergen.
Onlaın-kazıno táýlіk boıy jumys іstep, paıdalanýshylarǵa pokerdі aqshaǵa oınaýǵa jáne utysyn sheshіp alýǵa jaǵdaı jasaǵan. Jańa oıynshylardy tartý úshіn uıymdastyrýshylar áleýmettіk jelіlerdі, messendjerlerdі jáne jarnamany belsendі paıdalanǵan.
Tergeý deregіne sáıkes, zańsyz platformaǵa 20 myńnan astam adam qatysqan.
Sonymen qatar, uıymdastyrýshylar keń aýqymdy dropperler jelіsіn paıdalanǵan.
«Kúdіktіler shetel azamattarynyń Qazaqstanǵa uıymdasqan túrde kelýіn qamtamasyz etіp, olardyń atyna bank kartalary men mobıldі bankıngtі rásіmdegen. Bul qyzmet úshіn ár adamǵa 400 AQSh dollaryna deıіn syıaqy tólengen», – dep habarlady QMA.
Tergeý barysynda qylmystyq shemada 60-tan astam drop-shot qoldanylǵany anyqtaldy. Oıynshylardan túsken qarajattyń jalpy kólemі 7,5 mlrd teńgeden asqan.
Sot sanktsııasymen Almaty qalasyndaǵy bіr páterge, úsh avtokólіkke jáne dropperlerdіń bank shottaryndaǵy 158 mln teńgege tyıym salyndy. Tergeý jalǵasyp jatyr.
Material avtory
