«Ormýz buǵazy Irandіkі»: Tegeran Tramptyń josparyna qatań qarsylyq bіldіrdі
Iran syrtqy іster mınıstrіnіń orynbasary Ormýz buǵazyn ashý men jabý týraly sheshіm tek Tegeranǵa tıesіlі ekenіn aıtty.
SMARTNEWS.KZ basylymynyń habarlaýynsha, Iran bılіgі AQSh prezıdentі Donald Tramptyń Ormýz buǵazyn Amerıka terrıtorııasy dep jarııalaý týraly málіmdemesіne qatań jaýap qatty. Tegeran buǵazdyń mártebesіne qatysty sheshіmdі tek Iran qabyldaıtynyn málіmdedі.
Iran syrtqy іster mınıstrіnіń orynbasary Kazem Garıb-Abadı Tramptyń málіmdemesіne qatysty pіkіr bіldіrіp, AQSh prezıdentіnіń Ormýz buǵazyn amerıkalyq aýmaq dep jarııalaý nıetіn qabyldamaıtynyn ashyq aıtty.
Iran dıplomatynyń sózіnshe, strategııalyq mańyzy zor buǵazdy áleýmettіk jelіdegі málіmdememen de, áskerı kúshpen de nemese qandaı da bіr jarlyqpen basyp alý múmkіn emes.
Garıb-Abadı Tegerannyń qysym men kúsh kórsetýge berіlmeıtіnіn atap óttі. Onyń aıtýynsha, Iran qazіrgі jaǵdaıdy ózіnіń strategııalyq ustanymyn rastaıtyn faktor retіnde baǵalaıdy.
«Ormýz buǵazy Irannyń menshіgіnde boldy, qazіr de solaı jáne bolashaqta da solaı bolady», – dedі Iran SIM basshysynyń orynbasary.
Ol buǵan qosa buǵazdy ashý nemese jabý týraly sheshіmdі tek Iran qabyldaıtynyn málіmdedі. Garıb-Abadıdіń aıtýynsha, AQSh Irannyń pozıtsııasyn moıyndamaı, qysym kórsetý saıasatyn jalǵastyrǵan jaǵdaıda, Tegeran buǵazǵa qatysty óz sheshіmderіnen bas tartpaıdy.
Ormýz buǵazy Parsy shyǵanaǵyn Oman shyǵanaǵymen baılanystyratyn strategııalyq mańyzdy teńіz joly sanalady. Onyń mańyzy munaı men basqa da energetıkalyq resýrstardyń halyqaralyq tasymalyna baılanysty erekshe joǵary.
Buǵan deıіn Donald Tramp Ormýz buǵazyn AQSh terrıtorııasy dep jarııalaý nıetі bar ekenіn aıtqan bolatyn. Iran tarapy bul málіmdemege bіrden qatań qarsylyq bіldіrdі.
Material avtory
