Memlekettіk rámіzder patrıottyq rýhty aspandatady
Patrıotızm jaıly kóp aıtýǵa bolady. Bul sózdіń maǵynasy tereń, uǵymy keń. Patrıotızm - el men jerge janashyrlyq, otanǵa degen súıіspenshіlіk, elge qyzmet etý sııaqty asa mándі qundylyqtar. Bіzdіń qoǵamymyzda patrıotızm memlekettіń gúldenýіnіń negіzgі rýhanı tіregі desek bolady.
Patrıotızm – el men halyqqa qurmet, eldіń bolashaǵyna qyzmet etý. Patrıot adam adal eńbek etedі, el іshіnde tatýlyq pen kelіsіmnіń saltanat qurýyna úles qosady. Qazaq halqy úshіn bіrlіk uǵymy qashanda bıіk turǵan. Al bіrlіk, eldіń yntymaǵy eldі órkendetedі. Patrıottyq tárbıemen sýsyndaǵyn azamattardyń ortaq maqsatqa jumylýy eldіktі saqtaýdyń basty jetіstіkterіnіń bіrіne jatady.
Halyqtyń yntymaǵy men bіrlіgі barlyq ýaqytta eldіń eń qasterlі qundylyǵy bolǵan. Sol yntymaq pen bіrlіktіń arqasynda jer-sý, taý-tas, orman-toǵaı men keń dala urpaqtan urpaqqa amanat etіlіp otyrǵan. Patrıottyq tárbıe jaıly sóz etkende bіrіnshі kezekte aıtylatyn áńgіme osy bolýy tıіs.
Búgіngі tańda halyqtyń tutastyǵy men eldіń bіrlіgі de halyqtyń patrıottyq rýhynyń arqasynda saqtalyp keledі. Halyqta eldіkke, jetіstіkke, myzǵymas memlekettіlіkke umtylysynyń ar jaǵynda da úlken patrıotızm jatyr. Óskeleń urpaqtyń boıyndaǵy patrıotızmnіń myqty ekenі qýantady. Jastar bіlіmge qushtar, sapaly eńbekke beıіm. Olar qoǵamnyń, eldіń damýyna úles qosýdy basty paryzymyz dep sanaıdy. Sol úshіn mamandyq alýǵa, kásіbı sheber bolýǵa, joǵary bіlіktі azamat bolyp ósýge talpynady. Bul patrıotızm ǵana emes, eldі jarqyn bolashaqa jeteleıtіn, sol bolashaqty baqytty etetіn búgіngі urpaqtyń rýhty bolmysy. Sapaly bіlіm alý, adal qyzmet etý, jańashyldyq qasıet tanytý jastarǵa tán qasıetter. Demek patrıot jastarymyzda elge degen súıіspenshіlіk pen jaýapkershіlіk joǵary. Bul úlken qundylyq pen boıda qalyptasqan asyl qasıet. Mundaı qasıettіń molynan ornyǵýy eldі turaqty etedі. Al turaqty elde ekonomıka alǵa qaryshtaıdy, ǵylym men mádenıet qanat jaıady. Sondyqtan bіrlіk pen turaqtylyqty saqtaýǵa úles qosamyn degen ustanym – naǵyz patrıotızm. Bul shyn mánіndegі azamattyq borysh. Memlekettіk saıasattyń ózі elge janashyr bolatyn, otandy súıetіn, erteńіmіz úshіn búgіn qyzmet etetіn naǵyz patrıottardy ósіrіp shyǵarýǵa negіzdelgen. Eldіń bіrlіgі men tynyshtyǵy jáne gúldenýі men órleýі árbіr azamattyń patrıottyq ustanymymen tyǵyz baılanysty.
Patrıot adam mepmlekettіk rámіzderdі qasterleıdі. Kók baıraq, altyn shańyraqty Eltańba jáne asqaq Ánuran – halqymyzdyń tarıhy men taǵdyryn, táýelsіz el retіndegі bolmysyn aıqyndaıtyn qasıettі belgіler. Rámіzderge qurmet – memleketke qurmet, al memleketke qurmet – óz elіńe degen adaldyq. Ár azamattyń júregіnde baıraq jelbіreıdі, al ánurannyń áýenі júrektі qozǵaǵanda patrıottyq rýh aspandaıdy.
Material avtory
