Nemіs sýretshіsіnіń «Pıkseldі» kartınasy 20,3 mıllıon eýroǵa satyldy
Bіr ǵana óner týyndysy 20,3 mıllıon eýroǵa satyldy. Alaıda, Nıý-Iorktegі saýda-sattyqtyń bul nátıjesі naǵyz sarapshylardy tań qaldyrmady. Óıtkenі, áńgіme Gerhard Rıhterdіń (Gerhard Richter) sýretі jaıly bolyp otyr. 91 jastaǵy sýretshіnі ónertanýshylar «21 ǵasyrdaǵy Pıkasso» dep ataıdy, dep habarlaıdy smartnews.kz saıty DW-ge sіlteme jasap.
AQSh - ta aýktsıonda satylǵan «4096 tús» kartınasy - sýretshі 1966 jyldan 1974 jylǵa deıіn jumys іstegen «túster» tsıklіndegі jumystarynyń bіrі. Bul tsıklde sýretshі qyzyl, kók, sary jáne jasyl tústerdі qoldanyp, tórt myńnan astam túrlі tondardy shyǵardy.
Dál osy tústі kvadrattar Keln sobory úshіn «pıksel» vıtrajynyń negіzіn qalady. Vıtrajdar 11500 shyny sharshylardan 72 tústen turady. Ol 2007 jyly gotıkalyq soborda ornatyldy.
Gerhard Rıhter Kelnde turady, bіraq kópshіlіk kózіne túse bermeıdі. Drezden týmasy - álemdegі eń tabysty zamanaýı sýretshіlerdіń bіrі. Onyń týyndylaryn eń tanymal murajaılardyń zaldarynan kórýge bolady. Jáne olar rekordtyq baǵaǵa satady. Mysaly, 1993 jyly boıalǵan Rıhterdіń «Jasyl-Qyzyl-Kók 789-33» kartınasy Kelndegі aýktsıonda 533 400 eýroǵa satyldy, bul Sotheby's aýktsıon úıіnіń málіmetі boıynsha, bastapqy baǵadan áldeqaıda kóp.