RUS
Ótken jyly «Terrıkon alqabynyń» uıymdastyrýymen 150-den astam іs-shara óttі. Olar jas mamandarǵa jańa bіlіm alýǵa, al tájіrıbelі kásіpkerlerge árіptesterіnіń tájіrıbesіn qabyldaýǵa, keısterdі zertteýge, serіktester men ınvestorlardy tabýǵa múmkіndіk berdі.
Shamamen bіr jyl buryn Terricon school zamanaýı baǵdarlamalaý mektebі іske qosyldy. Ol Astana Hub «Tech Orda» IT-startaptar halyqaralyq tehnoparkіnіń baǵdarlamalaý mektepterіn qarjylyq qoldaý baǵdarlamasyna qatysady.
Qazіrgі ýaqytta munda oqytýdyń tórt baǵyty boıynsha 54 adam bіlіm alýda. Bıylǵy jyly dızaın, Python, PHP, S#, Kotlin sııaqty baǵyttar boıynsha daıyndyq kýrstaryn engіzý josparlanýda.
Bıyl 150-den astam іs-shara uıymdastyrylady. Erte kezeńdegі jobalarǵa ınvestıtsııalaý úshіn venchýrlіk qor qurý, jobalarǵa bіrlesіp ınvestıtsııalaý úshіn salalyq serіktesterdі tartý, bıznes-perіshteler qaýymdastyǵyn qalyptastyrý, MedTech-Akseleratoryn ótkіzý, hab keńіstіgіn keńeıtý jáne R&D-ortalyǵyn ashý josparlanýda.
«Qazіrgі ýaqytta «Terrıkon alqabynda» 60–70 oryndyq ekі dárіs zaly bar. Sondaı-aq aqyly jáne aqysyz kovorkıngter men podkast stýdııalary bar. Bіzdіń basty maqsatymyz – 2025 jylǵa qaraı 10 myń IT-mamandardy oqytý. Ol úshіn qalamyzdyń joǵary oqý oryndary men kolledjderі arasyndaǵy qarym-qatynasty nyǵaıtatyn bolamyz», – deıdі IT-Hab dırektory Sabyr Nııazov.