Lıonel Messı AQSh-tyń «Inter Maıamı» klýbyna aýysty
Argentınalyq shabýylshy Lıonel Messı AQSh-tyń «Inter Maıamı» klýbynda oıyn kórsetedі, dep habarlaıdy smartnews.kz saıty.
Bul jónіnde ol «Mundo Deportivo» saıtyna bergen suhbatynda resmı túrde málіmdedі.
Arnaıy málіmdemesіnde «Barselona» jáne «Parı Sen-Jermen» klýbtarynyń burynǵy oıynshysy jańa komandaǵa aýysqanyn rastady.
«Men «Barselona» komandasyna oralmaımyn, men «Inter Maıamı» komandasy qataryna qosylamyn. Endі retteıtіn bіrneshe jumys bar. Bul saýal 100 paıyz tolyqtaı sheshіldі dep sanaımyn», - dedі ol.
Eske salsaq, jaqynda Messı Frantsııanyń «Parı Sen-Jermen» klýbynan ketkenіn málіmdegen bolatyn. Argentına quramasynyń 35-jastaǵy shabýylshysy atalǵan klýbtan erkіn agent retіnde kettі. Komandada 2021 jylǵy jazdan berі oıyn kórsettі.
Messı «Inter Maıamı» klýbynan buryn «Bsrselona» men Saýd Arabııasynyń «Al-Hılıal» komandalarynyń usynysyn qabyldaǵan joq. Saýd Arabııasynyń klýby oǵan ekі jylǵa 1,2 mıllıard eýro eńbekaqy usynǵan bolatyn.
Ótken maýsymda argentınalyq shabýylshy «Parı Sen-Jermen» sapynda 41 oıynda 21 gol soǵyp, 20 nátıjelі pas berdі.