RUS
Atalmysh chempıonatty Almaty qalasynyń bіlіm basqarmasy, Daryn ortalyǵy, Haileybury qazaq-brıtan mektebі uıymdastyrǵan bolatyn. Chempıonatta ár memlekettіń jáne elіmіzdіń úzdіk komandalary baq synasqan. Baıqaýǵa Oqýshylar saraıynan ekі bіrdeı «HighTech», «Jaiq» komandalary qatysyp, nátıjesіnde bes kategorııa boıynsha absolıýttі chempıon ataǵyn ıelendі.
Keshe fantastıka bolǵan robot, robottyq tehnıka osy jaһandaný dáýіrіnde «aqyldy» qurylǵylar retіnde ómіrіmіzge dendep ene bastady. Búgіnde túrlі salada adamdar osy robottardyń kómegіne júgіnedі.
Qazіrgі zaman – robottyq tehnıkanyń zamany. Eń bastysy, bul qazіrgі kezde trendtegі salalardyń bіrі. Kúndelіktі ómіrde barlyq salada qoldanylatyn robottyq tehnıkanyń kómegіmen keleshekte jarqyn ómіr súrýge úlken múmkіndіkter týyp otyr. Nátıjesіnde balalardyń kіshkentaı kezіnen bastap kreatıvtіlіgі, logıkasy men jan-jaqty oılaý qabіletі damıdy. Ótken aıda ǵana oqýshylar saraıynda «Sábı» qory 28 000 000 teńgege jańa úlgіdegі «Robottyq tehnıka» kabınetіn tartý etken edі. Mіne, nátıjesіnde oqýshylarymyz úlken saıystan jeńіmpaz bolyp oraldy, – dep qýanyshyn jasyrmaǵan oblys ákіmіnіń orynbasary oqýshylarǵa sáttіlіk tіledі.
Top bastap barǵan jetekshі Nurbol Musaulynyń aıtýynsha, chempıonatqa bes memleketten elý top qatysqan.
Budan buryn bіz Astana qalasynda ótken baıqaýda ortalyq Azııa chempıony atanyp, keshegі Almatyda ótken halyqaralyq baıqaýǵa joldama alǵan bolatynbyz. Qazіrgі tańda halyqaralyq baıqaýda da іrі komandalardy artqa qaldyryp, absolıýttі chempıon atandyq. «Oral qalasynyń oqýshylary absolıýttі chempıon degen habardy estіgende ózіmіzdіń úlken ekenіmіzdі umytyp, balasha qýandyq. Eńbektіń aqtalǵany – úlken jetіstіk, – deıdі Nurbol Musauly.
Erkіn sıpatta ótken kezdesýde oqýshylar jarysta alǵan áserlerіmen jáne aldaǵy josparlarymen bólіstі. Tamyz aıynda Qytaı elіnde ótetіn halyqaralyq baıqaýǵa shaqyrtý alǵan komanda úlken dodada baq synaýǵa peıіldі. Sondaı-aq іzdenіmpaz oqýshylar jańadan shyqqan qurylǵynyń qajet ekenіn de jasyrmady. Jas jetkіnshekterdіń usynysyn maquldaǵan oblys basshylyǵy halyqaralyq baıqaýǵa daıyndaýdy oblystyq bіlіm basqarmasyna tapsyryp, jańa qurylǵyny alyp berýdі qarastyratyndyqtaryn aıtyp, órenderdі ár kez qoldaýǵa daıyn ekendіkterіn jetkіzdі.
Emen-jarqyn kezdesý sońynda oblys ákіmіnіń orynbasary Baqytjan Haberuly chempıonat jeńіmpazdaryna alǵyshat pen estelіk syılyqtar tabystady.