RUS
Antıkor men Tótenshe jaǵdaılar mınıstrlіgі bіrlesіp, osy vedomstvonyń bólіmshe basshylarynyń zańsyz áreketterіnіń jolyn kesken.
Jasyryn іs-sharalardyń nátıjesі boıynsha TJM Órtke qarsy qyzmet komıtetіnіń tóraǵasy, sondaı-aq Shymkent qalasy men Jetіsý oblysy boıynsha TJD bastyqtary paraqorlyqqa qatysy bar ekenі áshkerelendі.
Olar órtke qarsy qaýіpsіzdіk salasyndaǵy qamqorlyǵy úshіn kásіpkerlerden júıelі negіzde para alyp, tekserіletіn uıymdardy kelіsіmsharttar jasaý arqyly olardyń qyzmetterіn satyp alýǵa, árі ýaqtyly aqy tóleýge májbúrlegen degen kúdіkke іlіndі.
Agenttіktіń bergen aqparatyna sáıkes, para somasy 100 myńnan 4 mln teńgege deıіngі aralyqty qurap otyr.
Budan bólek, TJM Órtke qarsy qaýіpsіzdіk komıtetіnіń tóraǵasy zańsyz aqshalaı syıaqy úshіn Ulytaý oblysy boıynsha TJD basshylarynyń bіrіne qamqorshylyq jasaǵan.
Kúdіktіler ustalyp, ýaqytsha ustaý ızolıatoryna qamalǵan. Qazіr sotqa deıіngі tergeý jalǵasyp jatyr. Sondaı-aq atalǵan laýazymdy adamdardyń basqa da jemqorlyq quqyq buzýshylyqtarǵa qatystyǵy tekserіlіp jatyr.