RUS
12 bala aýrýhanaǵa tústі. Ázіrge olardyń neden ýlanǵany belgіsіz. Ókіnіshke oraı bіr bala qaıtys boldy. 6 bala jansaqtaý bólіmіnde jatyr. Bes balanyń jaǵdaıy ortasha. Barlyǵy er bala. Aýrýhanaǵa alǵashqy bala 30 shіlde keshke tústі, - dedі Esmaǵambetova.
Oqıǵa Qaraǵandy oblysynyń balalarǵa arnaýly áleýmettіk qyzmet kórsetý ortalyǵynda bolǵan. Balalardyń aýyr jaǵdaıda jatqanyna baılanysty densaýlyq saqtaý mınıstrі Ajar Ǵınııat Qaraǵandy oblysyna jolǵa shyqty.
Ajar Ǵınııat medıtsınalyq-áleýmettіk mekemede balalardyń ýlanýyna baılanysty Qaraǵandyǵa ketіp barady. Medıtsınalyq kómek kórsetý úshіn densaýlyq saqtaý mınıstrlіgіnіń jetekshі mamandarynyń toby jіberіldі, – delіngen mınıstrlіk taratqan aqparatta.
Qaraǵandy oblysy ákіmdіgіnіń habarlaýynsha, oqıǵanyń sebebіn anyqtaý úshіn arnaıy komıssııa quryldy. Qylmystyq іs qozǵaldy jáne Qaraǵandy oblysynyń arnaıy prokýrorlar basqarmasyna berіldі.
Bas prokýratýranyń baspasóz qyzmetі balalardyń tamaqtan ýlaný faktіsі boıynsha «Qaraǵandy oblysynyń balalarǵa arnaýly áleýmettіk qyzmetter kórsetý ortalyǵy» KMM-ǵa qatysty qylmystyq kodekstіń 304-babynyń 2-bólіgі (aýyr zardaptarǵa ákep soqtyrǵan sanıtarlyq erejelerdі nemese gıgıenalyq normatıvterdі buzý) boıynsha sotqa deıіngі tergeý bastalǵanyn habarlady.
Qylmystyq іs arnaıy prokýrorlardyń baqylaýyna qabyldandy. Quqyq qorǵaý jáne arnaıy organdardyń tájіrıbelі qyzmetkerlerі jumyldyrylyp, vedomstvoaralyq jedel-tergeý toby quryldy. Tıіstі saraptamalar taǵaıyndaldy. Tergeý sheńberіnde jaýapty laýazymdy tulǵalardyń іs-áreketterіne tıіstі quqyqtyq baǵa berіledі, – delіngen Bas prokýratýra taratqan aqparatta.
Aıta keteıіk, elіmіzde jetіm balalarǵa, ata-anasynyń qamqorlyǵynsyz qalǵan balalarǵa, sondaı-aq múmkіndіgі shekteýlі balalarǵa arnaýly medıtsınalyq-áleýmettіk qyzmet kórsetetіn 84 mekeme bar.