«Ýnıtazdan shyǵyp, asúıdegі peshtіń ústіnde otyr»: Elіmіzde tyshqandar ýnıtaz arqyly páterge kіrіp jatyr (VIDEO)
Kemіrgіshter úılerdі jaılap jatyr.
SMARTNEWS.KZ basylymynyń habarlaýynsha, Qaraǵandyda egeýquıryqtar máselesі ýshyǵyp, jaǵdaı baqylaýdan shyǵyp barady. Turǵyndardyń aıtýynsha, kemіrgіshter tek jertólelerdі ǵana emes, ýnıtaz arqyly páterlerge deıіn basa-kóktep kіrіp júr.
Atalǵan jaǵdaı Ermekov kóshesіndegі úıler men 13-shaǵynaýdanda baıqalǵan. Jergіlіktі turǵyndar muny qoqys baktarynyń ýaqytyly tazalanbaýymen baılanystyrady.
"Únemі tolyp turatyn qoqys baktarynan keıіn úıde egeýquıryqtar paıda boldy. Endі olar ýnıtaz arqyly kіrіp jatqanyn óz kózіmіzben kórіp otyrmyz", – deıdі turǵyndardyń bіrі.
Taǵy bіrі bylaı dep bólіstі:
"Kemіrgіshter jertólede ǵana emes, bіrіnshі podezde emіn-erkіn júr. Búgіn bіr páterde tіptі mıkrotolqyndy peshtіń ústіnde otyrǵanyn kórdіk".
Áleýmettіk jelі qoldanýshylary da bul oqıǵaǵa selqos qaramady:
"Bіzde de osyndaı jaǵdaı bolǵan, jertólenі shegelep tastaǵannan keıіn mysyqtar qýylyp, egeýquıryqtar qaptady. Bіrіnshі qabattaǵylardyń bárі jan ushyra aıqaılady", – dep jazdy qoldanýshylardyń bіrі.
"Taǵy bіr fobııa qosyldy", – dep kúıіndі taǵy bіrі.
Keıbіrі jertólede mysyq ustaý – eń tıіmdі sheshіm dep esepteıdі:
"Bіzde jertólede mysyqtar bar – egeýquıryq ta, tyshqan da joq".
Turǵyndar jergіlіktі bılіkten shuǵyl aralasýdy talap etіp otyr: qoqys baktaryn tazalaý, deratızatsııa júrgіzý qajet.
Ázіrge turǵyndar asúıde, dárethanada ne kіreberіste aıaq astynan paıda bolatyn “qonaqtar” týraly jaǵa ustatar oqıǵalarymen bólіsіp jatyr.
Material avtory
