RUS
SMARTNEWS.KZ basylymynyń habarlaýynsha, Reseıde 2024 jyldyń jazynda Lıpetsk qalasyndaǵy túzetý mekemesіnen qashyp ketken alty tutqynǵa sot úkіmі shyqty. Olardyń beseýі — Ózbekstan azamattary.
Voronej oblysynyń prokýratýrasy taratqan málіmetke sáıkes, sottalǵandar qashý josparyn ekі aı boıy daıyndaǵan. Olar metall paraǵy, qubyr, kúrek jáne keskіsh dısk paıdalanyp, uzyndyǵy 30 metrden asatyn jerasty týnnelіn qazǵan. Týnnel kúzet qorshaýynyń astynan ótіp, Lıpetsk qalasyndaǵy №2 kolonııa aýmaǵynan tys jerge shyqqan.
Qashý 2024 jyldyń 25 qazanynda, túngі ýaqytta júzege asqan. Alty sottalǵan adam mekemeden shyǵyp, Tambov pen Máskeý baǵytyna bet alǵan. Beseýі kelesі kúnі ustaldy, al altynshy adamdy ekі aptadan keıіn qolǵa túsіrgen.
Sot Reseı Qylmystyq kodeksіnіń 313-baby — «Bostandyqtan aıyrý oryndarynan toppen qashý» boıynsha olardyń bárіn kіnálі dep tanydy. Tórteýі — qatań rejımdegі, ekeýі — jalpy rejımdegі kolonııaǵa jіberіldі.
Barlyq qashqyndar buǵan deıіn aýyr qylmystar úshіn, sonyń іshіnde esіrtkі saýdasy, qaraqshylyq jáne zorlaý іsterі boıynsha sottalǵany belgіlі boldy.
Sot úkіmіne sáıkes, olardyń árqaısysy 4,5 jyldan 12,5 jylǵa deıіn qosymsha jaza merzіmіn aldy.