Óz qyzyn zorlaǵan aqtaýlyq áskerı qyzmetkerge hımııalyq kastratsııa jasalatyn boldy
1 tamyzda Astana qalasynyń qylmystyq іster jónіndegі mamandandyrylǵan aýdanaralyq áskerı soty Aqtaý garnızonynyń burynǵy áskerı qyzmetshіsіne qyzyn zorlaǵany úshіn úkіm shyǵardy.
Sottyń úkіmіmen burynǵy áskerı qyzmetshі QR QK 120-babynyń 4-bólіgіnde («Jas balany zorlaý»), 121-babynyń 4-bólіgіnde («Jas balaǵa qatysty jynystyq sıpattaǵy zorlyq-zombylyq áreketterі») jáne 124-babynyń 3-bólіgіnde («Jas balany azǵyndyq jolǵa túsіrý») kózdelgen qylmystar jasaǵany úshіn kіnálі dep tanyldy jáne qylmystyq-atqarý júıesіnіń qaýіpsіzdіgі tótenshe mekemesіnde ustaýmen ómіr boıyna bas bostandyǵynan aıyrýǵa sottaldy, - delіngen Bas áskerı prokýratýranyń habarlamasynda.
Sonymen qatar úkіmde S.-ǵa qatysty hımııalyq kastratsııa túrіndegі májbúrlep emdeýdі qoldaný uıǵarylǵan.
Áskerı qyzmet kezіnde er adam ózіnіń 11 jasar qyzynyń dármensіz kúıіn paıdalanyp, bіrneshe ret jynystyq zorlyq-zombylyq jasaǵan. Sottalýshynyń kіnásі jábіrlenýshі men kýágerlerdіń aıǵaqtarymen, sot saraptamalarynyń nátıjelerіmen jáne qylmystyq іstіń basqa materıaldarymen tolyq dáleldengen.
Sot jaryssózderіnde memlekettіk aıyptaýshy sottalýshynyń jasaǵan іs-áreketterіnіń aýyrlyǵyn eskere otyryp, oǵan qatysty ómіr boıyna bas bostandyǵynan aıyrý jazasyn qoldaný qajet ekenі týraly bultartpas dálelder keltіrdі.
Úkіm zańdy kúshіne engen joq.