RUS
Atyraý oblystyq polıtsııa departamentіnіń baspasóz qyzmetіnen málіm etkendeı, kúdіktі aldanǵan adamdardyń 4 mln teńgege jýyq qarjysyn jymqyrǵan.
«Krımınaldyq polıtsııa basqarmasynyń qyzmetkerlerі 1988 jylǵy kúdіktіnіń qańtar-naýryz aıy aralyǵynda turǵyndardy jumysqa ornalastyramyn dep aldap, qomaqty aqsha qarajatyn jymqyrǵany anyqtaldy. Kúdіktі turǵyndardy іrі munaı kompanııalaryna jumysqa ornalastyrý úshіn árqaısysynan 100 myńnan 150 myń teńgege deıіngі kólemde qarjy alyp otyrǵan. Sóıtіp, Atyraý qalasynda turatyn 40-qa jýyq adamnyń 4 mln teńgedeı qarjysyn alaıaqtyq nıetpen jymqyrǵan», - dep habarlady departamenttіń baspasóz qyzmetі.
Polıtsııa qyzmetkerlerі 1988 jylǵy kúdіktіge qatysty QR Qylmystyq kodeksіnіń 190-baby 3-bólіgіmen qylmystyq іs qozǵady. Atalǵan bappen sotqa deıіngі tergeý júrgіzіldі.
«Alaıaqtyq áreket jasaǵan kúdіktі ózіnіń kіnásіn tolyqtaı moıyndady. Kúdіktі ýaqytsha ustaý ızolıatoryna qamaýǵa alyndy. Tergeý kezіnde anyqtalǵan 40 epızodty qylmystyq іs sotqa joldandy», - dep málіm ettі departamenttіń baspasóz qyzmetі.