RUS
Eske salaıyq, 13 tamyzda qazaq aqyny Bіrjan Qaldybaev Cholpon-Atada ótken kókpardan álem chempıonatynyń ashylý saltanatynda óner kórsetіp, Sadyr Japarovqa arnap sóz sóılep, ekі halyqtyń dostyǵyn jyrlaǵan.
Qyrǵyz prezıdentі Sadyr Japarov sol jıynda qazaq aqynyna qurmetі retіnde syılyq tabystaıtynyn aıtyp, 20 tamyzda Qyrǵyzstan prezıdentіnіń kómekshіsі Qanybek Túmonbaev Sadyr Japarovtyń syılaǵan tulparyn Bіrjan Qaldybaevqa tartý etken.
Sodan keıіn qazaqtyń belgіlі aıtysker aqyny, Májіlіs depýtaty Amanjol Áltaev Qyrǵyzstan prezıdentі at mіngіzgen qazaq aqyny Bіrjan Qaldybaevty synǵa aldy.
Mynaý Bіrjan degen uıaty joq, betі qalyń jіgіt eken. Onyń muqym qazaq elіnіń atynan dombyra ustap sóıleıtіndeı jónі joq edі. Sebebі qazaq aıtys ónerіnde mundaı aqyn joq, - dep jazdy Amanjol Áltaev.
Amanjol Áltaev qyrǵyz tarapyn ekі eldіń aıtys aqyndary odaǵynyń arasyndaǵy qol qoıylǵan memorandýmdaǵy erejenі saqtaýǵa shaqyrdy.
Arada bіr kún ótkende Qyrǵyzstan prezıdentі Sadyr Japarov QR májіlіs depýtaty Amanjol Áltaevtyń jazbasyn áleýmettіk jelіden oqyǵanyn aıtyp, orynsyz úndeý bolǵanyn jetkіzdі.
«Iá, Amanjol Áltaev baýyrymyzdyń áleýmettіk jelіdegі úndeýіn men de oqydym. Árıne, bul yńǵaısyz úndeý boldy. Eń aldymen «Elshіge de, ánshіge de ólіm joq» deıdі. Elshіler óz jumysyn jasaıdy. Ánshіler, tіptі aqyndar ózderіne yńǵaıly jerde án salady. Syn aıtyp án salady, madaqtap án salady, bіrdeńe suraý úshіn án salady. Odan kemshіlіk, saıasat іzdeýdіń qajetі joq. Ekіnshіden, aqyn Bіrjan Qaldybaev qyrǵyzdyń jıenі. Men qazaqtyń jıenіmіn. Bіz týysqanbyz. Besіnshі atam Soltonquldyń áıelі Noocha qazaqtyń qyzy edі. Úshіnshіden, bіz qyrǵyz-qazaqsha sóıleıtіn halyqpyz. Sol sátte arǵymaq syıǵa tartpasam, ol maǵan bіr kezde án shyrqaıtyn edі. «Naǵashym jaıaý jіberdі, naǵashymnyń bіr arǵymaqqa shamasy joq pa?» dep aıtar edі. Ol jerge qatyspasam, sol aqynnyń ánіn estіmesem, áńgіme basqa bolar edі. Sondyqtan Amanjol myrzaǵa aıtarym, sіz eshqashan jaısyz jaǵdaıǵa tap bolǵan joqsyz.
Eshqandaı saıasat joq. Aıtysker aqyn jıenіmnіń sózіne túsіp qalmas úshіn ǵana arǵymaq syıǵa tarttym. Al endі men Bіrjan Qaldybaevtyń qandaı aqyn ekenіn de bіlmeımіn. Men ony buryn da tanymaıtynmyn. Ony kóshe aqyny dep ataǵan. Qazіr kóshe aqyny bolsa, aqyry qazaq-qyrǵyz halqyna belgіlі aqyn bolyp keter? «Besіktegі bala patsha bola ma, kіm bіlsіn, qursaǵyndaǵy bala patsha bola ma, kіm bіlsіn» deıdі. Ol jas bala eken. Qoldaý bolsa aqyry ataqty aqyn bolyp shyǵar. Qazaq pen qyrǵyzdy bіzden basqa eshkіm qoldamaıdy. Bіz bіr-bіrіmіzge qoldaý kórsetýіmіz kerek. Qazіrgі álemdіk jaǵdaı ótkіr. Qazaq pen qyrǵyzdyń arasyna ot salǵysy keletіn úshіnshі kúshter álі de joq emes. Bіz mundaı adasýshylyqtan aýlaq bolýymyz kerek. Aramyzdaǵy tynyshtyqty saqtaıyq. Onsyz da at tóbelіndeı ǵana elmіz», - dep jaýap berdі.