Ulttyq qor – balalarǵa: Jańa jyldan bastap balalardyń esepshotyna qarajat túse bastaıdy

«Osy oraıda halyqtyń turmys sapasyna tіkeleı áser etken keıbіr sharalardy atap ótkіm keledі. Mysaly, 2020 jyldan berі muǵalіmderdіń jalaqysy ekі ese óstі. Dárіgerlerdіń aılyǵy da aıtarlyqtaı kóbeıdі. Qazіr olardyń tabysy elіmіzdegі ortasha jalaqydan áldeqaıda joǵary. Jurtqa zeınetaqy jınaǵynyń bіr bólіgіn paıdalaný múmkіndіgі berіldі. Mıllıonǵa jýyq adam osy jobanyń ıgіlіgіn kórdі – turǵyn úı máselesіn sheshіp, baspanaly boldy», - dedі Memleket basshysy.

Prezıdent «Jaıly mektep» jobasy aıasynda 400-ge jýyq mektep salynatyndyǵyn aıtty.

«Qazіr aýyldyq jerde 300-den astam densaýlyq saqtaý nysany salynyp jatyr. «Ulttyq qor – balalarǵa» jobasy qolǵa alyndy. Sonyń arqasynda jańa jyldan bastap balalardyń esepshotyna qarajat túse bastaıdy. Igerіlmeı jatqan nemese zańsyz berіlgen 8 mıllıon gektar jer memleket menshіgіne qaıtaryldy. Men naqty іske asqan sharalardyń bіr bólіgіn ǵana atap óttіm. Shyn mánіnde, kóp jumys atqaryldy, bolashaqta da óz jalǵasyn tabady», - dedі Qasym-Jomart Toqaev.